Mömin bu dünyada niyə bəla çəkər?

Müxtəlif hədislərdən belə nəticəyə gəlmək olur ki, iman əhli üçün nazil olan bəlaların əksər hissəsi - günahlarının kəffarəsidir.

Məsumlardan (ə) gələn hədislərə nəzər salaq:

1. İmam Baqir (ə) buyurur: "Əgər Allah Təala bəndəsini günahına görə cəzalandırmaq istəsə, onu xəstə edər. Əgər bu işi görməzsə, yoxsulluğa düçar edər. Əgər onunla bu işi də görməsə, ölümü onun üçün çətin edər ki, onun vasitəsilə günahının əvəzini alsın".

2. İmam Sadiq (ə) buyurur: "O zaman ki, bəndənin günahı çox olar və Allah onu pak etmək istəyər - onu elə qəmə düçar edər ki, günahlarının kəffarəsi olar".

3. Əziz Peyğəmbərimiz (s) buyurur: "Qəm və qüssə davamlı olaraq möminin ardınca olar, o zamana qədər ki, onun üçün günah qoymaz".

4. İmam Sadiq (ə) buyurur: "Həqiqətən mömin dünyada qəmgin olar o zamana qədər ki, dünyadan o halda xaric olar ki, günahı qalmaz".

5. Həzrət Peyğəmbər (s) buyurur: "Allah Təala buyurur ki, elə bəndə yoxdur ki, Mən onu behiştə aparmaq istəyim, məgər o halda ki, onu bəlaya düçar edərəm ki, günahlarının kəffarəsi olar".

6. Əmirəl-möminin (ə) buyurur: "Allah hər kimin dünyada günahının cəzasını verməyə tələsərsə, axirətdə ona cəza verməz".

7. İmam Sadiq (ə) buyurur: "Mömin üçün 40 gecə keçməz, məgər o halda ki, başına iş gələr və onu qəmgin edər ki, təzəkkür almuş olsun".

8. Başqa hədisdə oxuyuruq: "Behiştdə elə məqam vardır ki, heç bir bəndə ona çatmaz, məgər o halda ki, dünyada ona bəla çatar".

9. Həzrət Peyğəmbər (s) buyurur: "Məlundur o bədən ki, zəkatı verilməmiş olsun".

Soruşurlar ki, bədənin zəkatı nədir?

Həzrət (s) buyurur: "Bədənin zəkatı odur ki, ona ziyan dəyər. Misal üçün qaşınar, ayağı daşa ilişər, xəstə olar, tikan batar...".

Bu hədislərdən göründüyü kimi, möminin bu dünyada çəkdiyi bəlaların əksər hissəsi - günahlarının kəffarəsidir. Ona görə də iman əhli başqalarından fərqli olaraq, bu müsibətə səbir edər və Allah yanında sabir məqamına çatar.