Bu gün parlamentin iclasında deputat Bəhruz Məhərrəmova söz verilərkən onun mikrofonunda problem yaranıb.

BakuPost-un verdiyi xəbərə görə, koronavirus pandemiyasına görə izolyasiya tədbirlərinə görə deputatların bir qismi zalın arxa hissəsində, qonaqlar üçün nəzərdə tutulmuş yerdə otururlar. Deputatlar tək-tək oturduğu üçün zalda hamısına yer çatmır. B.Məhərrəmov da qonaqlar üçün nəzərdə tutulmuş yerdə əyləşib və onlar üçün ayrıca avadanlıq quraşdırılıb. B.Məhərrəmov çıxışa başlayarkən səsləndirmədə problem yaşanıb.

Deputat daha sonra başqa stolda əyləşərək çıxış edib və yaranan problemə görə texniki işçilərin adından üzr istədiyini bildirib. O çıxışını bitirərkən spiker Sahibə Qafarova ona irad tutub: “Səhvi siz etdiniz, texniki işçilər yox. Mikrofonu dartdığınız üçün səs kəsildi”.