Koronavirus avişirkətlərə çox böyük zərbə vurdu. Bu sektorda işlər tamamilə dayanıb. Bir çox şirkətlər hətta özünü müflis elan edib.
Bizimyol.info xəbər verir ki, sərnişin təyyarələrində heyvan daşımağa başlayıblar. “Twitter”də paylaşılan bir neçə video bundan bəhs edir. Türkiyə səhifələrindən birində yerləşdirilən görüntülərdə təyyarə salonunda quşlar gözə dəyir. Amma sosial şəbəkələr avişirkətlərin heyvan daşımağa başlamasından çox yazır.

Türkiyə səhifələrində məsələyə yumorla yanaşıblar. Rəylərin birində “quşlara halal olsun, sosial məsafəni qoruyurlar” yazılıb.

Qərb mətbuatının yazdığına görə, heyvan daşımağı özünə daha çox loukosterlər sığışdırır. Bu aviaşirkətlərin böyük büdcəsi olmadığından, böyük sıxıntı yaşayırlar. Məsələn, “Ryanair”in ləğv edilən biletlərin pullarını ödəyə bilməməsi, mümkün qədər zaman qazanmağa çalışması haqda çox yazılır.

Koronavirus ilk dəfə keçən ilin dekabrında Çində aşkar olunmuşdu. Dünyada 2,4 milyon insanda infeksiya ortaya çıxıb, 170 minə qədər xəstə həyatını itirib.