İtaliyada koronavirusu yayan şəxs bəlli oldu - QORXUNC DETALLAR 

İtaliyada koronavirusa yoluxan ilk şəxsin kimliyi bəlli olub.

Publika.az-ın xəbərinə görə, 38 yaşlı Mattia 1 aylıq müalicədən sonra evə buraxılıb.

Koronavirusun ən çox yayıldığı Lombardiya vilayətindən olan Mattia səs qeydi vasitəsilə insanları evlərindən çıxmamağa çağırıb:

"Mənə 18 gün reanimasiyada qaldığımı dedilər. Sonra yoluxucu xəstəliklər şöbəsində müalicə aldım və burada əsl dünya ilə ilk əlaqə qurmağa başladım. Orada dünyada ən sadə, lakin ən gözəl şey olan nəfəs almağa başladım. Çox şanslı idim, çünki müalicənin effekti oldu. Ancaq xəstələnərkən dərman, həkim qıtlığı yarana bilər. Bu baxımdan tədbirli davranmağa çalışın. Tək istəyim yaxınımın övladının dünyaya gəlməsini görməkdir".

Fevralın 20-də reanimasiyaya yerləşdirilən Mattianın virusu əksər insanlara yaymasına səbəb isə vaxtında testdən keçirilməməsi olub. Onun olduğu xəstəxananın həkim və tibb bacılarında da ölümcül virusa yoluxma qeydə alınıb.

Mattianın atası da COVID-19 səbəbilə ölüb.

Qeyd edək ki, İtaliyada yeni tip virusa yoluxanların sayı 69 mindən çoxdur. Bu göstərici ilə ölkə Çindən sonra ikinci pillədə qərarlaşıb. İtaliya COVID-19 səbəbilə həyatını itirənlərin sayına görə Çini belə geridə qoyub (6 min nəfərdən çox).

Dünya üzrə koronavirusa yoluxanların sayı 423 mindən çox, pandemiya səbəbilə ölənlər isə təqribən 19 min nəfərdir.