Azərbaycanda dəhşətli qəzanın videosu yayılıb

Zaqatalada ölümlə nəticələnən yol-nəqliyyat hadisəsi baş verib.

 

APA TV-nin yerli bürosunun məlumatına görə, qəza rayonun Əliabad qəsəbəsi ərazisində qeydə alınıb. 

 

Belə ki, Yevlax rayon Xaldan qəsəbə sakini, 40 yaşlı Seymur Əhmədovun idarə etdiyi “VAZ 21015” markalı avtomobillə Zaqatala rayon Qımır kənd sakini, 32 yaşlı Məcid Məcidova məxsus eyni markalı maşın toqquşub.

 

Qəza zamanı Seymur Əhmədovun avtomobilində olan, 68 yaşlı Yevlax rayonu Xaldan qəsəbə sakini Xeyransa Həmidova aldığı ağır xəsarətlərdən hadisə yerində ölüb. Avtomobildə sıxılmış halda qalan meyiti çıxarmaq üçün əraziyə Şəki Rayon Dövlət Yanğından Mühafizə Hissəsinin əməkdaşları cəlb edilib. 

 

Xəsarət alan Məcid Məcidov, Seymur Əhmədov və Seymur Əhmədovun digər sərnişini 16 yaşlı Allahverdi Həmidov Zaqatala Rayon Mərkəzi Xəstəxanasına yerləşdiriliblər. 

 

Faktla bağlı araşdırma aparılır.