Kamran Əsədovla bağlı QƏRAR 

Buraxılış və qəbul imtahanlarına qanunsuz texniki vasitələrin keçirilməsi ilə bağlı cinayət işi üzrə təqsirləndirilən Kamran Əsədov və Gündüz Abbasovla bağlı məhkəmə prosesi davam etdirilib.

Oxu24.com/az-un məlumatına görə, bu gün Gəncə Şəhər Məhkəməsində hakim Elçin Məmmədovun sədrliyi ilə keçirilən prosesdə təqsirləndirilən Kamran Əsədov himayəsində 3 azyaşlı olduğunu vurğulayaraq ev dustaqlığına buraxılmasını xahiş edib.

Dövlət ittihamçısı bildirib ki, təqsirləndirilən şəxsin verdiyi vəsatət təmin olunmamalıdır.

DİM nümayəndəsi də Kamran Əsədovun vəsatətinin təmin edilməməsini istəyib.

Məhkəmə vəsatəti təmin etməyib.

Daha sonra əlavə şahidlər ifadə verib.

Şahidlərdən biri Namiq Huseynov deyib ki, Gündüz Abbasova bir nəfər vasitəsilə 77 min manat çatdırıb.

Təqsirləndirilən Gündüz Abbasov isə ona verilən pulları götürüb, başqasına verdiyini bildirib.

Prosesdə iştirak edən DİM nümayəndəsi vəsatət verərək deyib ki, bu işdə köməklik edən kimi adı keçən şəxslər hazırda müəllimlik fəaliyyəti ilə məşğul olurlar, onların barəsində tədbir görülməsi üçün Elm və Təhsil Nazirliyinə müraciət olunmalıdır.

Məhkəmənin növbəti iclası avqustun 13-nə təyin edilib.

Qeyd edək ki, Baş Prokurorluğun Mətbuat xidmətinin yaydığı məlumatda bildirilib ki, ali məktəblərə qəbul və buraxılış imtahanlarında iştirak etmiş şəxslərə imtahan qaydalarına zidd olaraq köməklik göstərilməsinə dair Dövlət İmtahan Mərkəzindən Dövlət Təhlükəsizliyi Xidmətinə daxil olmuş məlumatlar əsasında başlanmış cinayət işinin ibtidai istintaqı Baş Prokuror yanında Korrupsiyaya qarşı Mübarizə Baş İdarəsində davam etdirilib.

İbtidai istintaqla fərdi sahibkarlıq fəaliyyəti ilə məşğul olan Abbasov Gündüz Yaşar oğlunun təşkil etdiyi hazırlıq kursunun abituriyent və şagirdlərinə ali məktəblərə qəbul və buraxılış imtahanlarının gedişində testləri cavablandırmağa kömək etmək məqsədilə gizli qaydada informasiya alınması üçün nəzərdə tutulan texniki vasitələri qanunsuz olaraq hazırlamasına, habelə Əsədov Kamran Alim oğlu ilə cinayət əlaqəsinə girməklə 3 nəfər və şəxsən 8 nəfər olmaqla, ümumilikdə 11 nəfərin üzərinə həmin texniki vasitələri quraşdırmaqla onlara köməklik göstərmələrinə əsaslı şübhələr müəyyən edilib.Bakıvaxtı.az

Həmçinin oxuyun

Hicabla bağlı yayılan bu xəbərlə bağlı RƏSMİ AÇIQLAMA YAYILDI

ABŞ,Çin,Azərbaycan  —  2  supergücün Bakı marağının DETALLARI 

 Nazir QƏRAR İMZALADI: Sürücülərə cərimələrlə bağlı XƏBƏR

"Qara siyahı"ya düşən 31 Türkiyə vətəndaşı ilə bağlı MÜHÜM AÇIQLAMA