Türk Dünyası Turizm Paytaxtı çərçivəsində Azərbaycanın turizm imkanları genişlənir – Hansı YENİLİKLƏR GÖZLƏNİLİR?  

Oxu24.com xəbər verir ki, Ankara hazırda tarixi günlərindən birini yaşayır. 15-16 aprel tarixlərində Türkiyənin paytaxtı 7-ci Beynəlxalq Səyahət və Turizm Dinamikası Konqresinə ev sahibliyi edir. 2026-cı il üçün "Türk Dünyası Turizm Paytaxtı" seçilməsi çərçivəsində keçirilən bu mötəbər tədbirdə Azərbaycan, Türkiyə, Qazaxıstan, Qırğızıstan, Özbəkistan, Türkmənistan, Macarıstan, Bolqarıstan və Şimali Kipr Türk Cümhuriyyətindən olan rəsmi şəxslər və sahə mütəxəssisləri bir araya gəlib.

Turizm və hotelçilik sektorunun gələcəyinin müzakirə olunduğu bu platforma Azərbaycan üçün hansı perspektivləri vəd edir?

Məsələ ilə bağlı Oxu24.com-a turizm məsələləri üzrə tanınmış ekspert Rəhman Quliyev xüsusi açıqlama verib.

Ekspert Rəhman Quliyev bildirib ki, bu cür beynəlxalq platformalar Azərbaycanın turizm potensialının geniş auditoriyaya təqdim olunması üçün əvəzsiz fürsətdir:

"Türk dünyası ölkələri ilə ortaq turizm marşrutlarının yaradılması Azərbaycanın daha çox turist cəlb etməsinə birbaşa kömək edə bilər. Xüsusilə, bir neçə ölkəni əhatə edən 'multi-destinasiya' paketlərinin hazırlanması xarici turistlər üçün daha cəlbedicidir. Bu, Azərbaycanın regional turizm zəncirindəki rolunu daha da möhkəmləndirir”.

Konqresin təcrübə mübadiləsi baxımından önəminə toxunan ekspert, Türkiyənin bu sahədəki liderliyindən faydalanmağın vacibliyini vurğulayıb:

1.Təcrübə mübadiləsi: Türkiyə kimi inkişaf etmiş turizm bazarına malik ölkələrin modelinin öyrənilməsi.

2.Xidmət keyfiyyəti: Yerli hotelçilik və xidmət sektorunda dünya standartlarının tətbiqi.

3.İnvestisiya cəlbi: Xarici investorların Azərbaycanın yeni və inkişaf etməkdə olan turizm istiqamətlərinə marağının artırılması.

Rəhman Quliyevin sözlərinə görə, yekun hədəf Azərbaycanın milli turizm brendini qlobal səviyyədə gücləndirməkdir. Əgər Türk dünyası çərçivəsində ortaq tanıtım strategiyaları uğurla reallaşdırılarsa, bu, ölkəmizə gələn turist sayında rekord artıma səbəb ola bilər.

Çimnaz Telmanqızı

Həmçinin oxuyun

DTX onu axtarışa verib:Nuriyev nə edib?— FOTO

Əli Mirəliyevin evindən görüntülər: Bacısı görün kim imiş  +VİDEO

Proseslər Azərbaycana necə təsir edəcək?— Ekspertdən ŞOK AÇIQLAMA

Metroda həyatını itirən Xalq artistimizin HƏYATI