DİQQƏT: Quru sərhədlər bu şəxslər üçün AÇILA BİLƏR 

Azərbaycanda quru sərhədlərin uzun müddətdir bağlı qalması cəmiyyətdə müxtəlif müzakirələrə səbəb olub. Xüsusilə, ikili vətəndaşlığı olan şəxslərin üzləşdiyi çətinliklər, onların sərbəst hərəkət imkanlarının məhdudlaşması və xaricdəki iş, ailə və sosial öhdəlikləri bu məsələni daha da aktuallaşdırır. Mövcud şəraitdə həm təhlükəsizlik, həm də insan amili arasında balansın necə qorunacağı əsas müzakirə mövzularından birinə çevrilib. Bəs hazırkı vəziyyətdə ikili vətəndaşlığı olan şəxslər üçün hər hansı güzəştlərin tətbiqi mümkündürmü?

Oxu24.com xəbər verir  ki,mövzu ilə bağlı KONKRET.az-a açıqlama verən siyasi şərhçi Cavanşir Abbaslı bildirib ki, bu məsələ kifayət qədər həssasdır və uzun müddətdir davam edən məhdudiyyətlər cəmiyyətdə fərqli yanaşmaların formalaşmasına səbəb olub.

Quru sərhədlərlə bağlı VACİB AÇIQLAMA - Bu ölkələrə gedə biləcəyik… | KONKRET

“Quru sərhədlərin artıq 6 ilə yaxındır bağlı qalması fonunda “niyə açılmır?” sualı ətrafında müxtəlif fikirlər səsləndirilir. Xüsusilə, regionda baş verən hadisələr, o cümlədən ABŞ-İran münasibətlərindəki gərginlik fonunda sərhədlərin bağlı qalma müddətinin daha da uzanacağı real görünür”.

Ekspert qeyd edib ki, ikili vətəndaşlığı olan şəxslərlə bağlı müəyyən güzəştlərin tətbiqi məqsədəuyğun ola bilər:

Həmçinin oxuyun

1066 kilometrlik xəttin taleyi necə olacaq? — Azərbaycanla Ermənistan arasında qərar verilməli olan MƏSƏLƏ

Sökülən "balaca evlər"lə bağlı YENİ TƏKLİF: Nə qədər pul VERİLMƏLİDİR?

Prezidentin Fərmanı bu şəxslərə də ŞAMİL OLUNACAQMI?  —  AÇIQLAMA 

 UEFA Avropa Liqası: Azərbaycanda bu kanallar oyunu canlı verəcək

“Ən azından həmin şəxslərin vətəndaşı olduqları ikinci ölkəyə gediş-gəlişləri müəyyən şərtlər daxilində təmin olunmalıdır. Müəyyən öhdəliklər əsasında həyata keçirilməsi mümkündür. Məsələn, onların yalnız bir istiqamətdə hərəkəti ilə bağlı qaydalar tətbiq oluna bilər.

İkili vətəndaşlığı olan şəxslərin əksəriyyəti digər ölkədə işləyir, ailə həyatı qurub və sosial bağlara malikdir. Bu amillər nəzərə alınmalıdır. Çünki bu məsələ yalnız fərdi deyil, eyni zamanda iqtisadi və sosial sahələrə də təsir göstərir”.

Siyasi şərhçi hesab edir ki, regionda gərginlik, xüsusilə İranla bağlı vəziyyət sabitləşdikdən sonra bu istiqamətdə müəyyən addımların atılması zərurəti yarana bilər:

“Ümumilikdə quru sərhədlərin açılması məsələsinə gəldikdə isə, bu proses birdəfəlik deyil, mərhələli şəkildə həyata keçirilməlidir. Dövlət bu istiqamətdə uyğun qərarlar qəbul edə bilər”.