Yaz allergiyanız varsa, mütləq bunlara əməl edin! 

Yaz fəslinin gəlişi ilə birlikdə tozcuq (polen) mövsümü də başlayıb və bu dövr milyonlarla insan üçün allergik problemləri yenidən gündəmə gətirib.

Avropa İqlim və Sağlamlıq Mərkəzinin məlumatına görə, tozcuq allergiyası yuxu rejimini poza, zehni sağlamlığa mənfi təsir göstərə və ümumi həyat keyfiyyətini azalda bilər.

Xüsusilə yaz aylarında havadakı tozcuq miqdarının artması simptomların daha da güclənməsinə səbəb olur.

Mütəxəssislərin bildirdiyinə görə, son illərdə tozcuq mövsümü daha erkən başlayır və daha uzun davam edir. Ağac və bitki növləri yaz boyunca müxtəlif mərhələlərdə tozcuq ifraz edir: əvvəlcə fındıq və qızılağacı, daha sonra ağcaqayın, göyrüş və palıd, yay aylarında isə çəmənlik və ot növləri üstünlük təşkil edir.

Alimlər bu dəyişiklikləri, əsasən, iqlim dəyişikliyi ilə əlaqələndirirlər. Belə ki, yüksələn temperatur bitkilərin daha tez çiçəklənməsinə və daha çox tozcuq istehsal etməsinə şərait yaradır.

Mütəxəssislər qeyd edirlər ki, uzunmüddətli və yüksək konsentrasiyalı tozcuğa məruz qalma orqanizmin həssaslığını artırır və allergik reaksiyaların daha geniş yayılmasına gətirib çıxarır.

Mütəxəssislər tozcuq mövsümündə bir sıra sadə tədbirlərə əməl etməyi tövsiyə edir. Gün ərzində pəncərələrin bağlı saxlanılması, evi səhər tezdən və ya axşam saatlarında havalandırmaq, evə qayıtdıqdan sonra duş qəbul etmək və paltar dəyişmək əsas qoruyucu addımlar hesab olunur.

Bundan əlavə, çöldə günəş eynəyi taxmaq gözlərin tozcuqdan qorunmasına kömək edir. Mümkün olduqda paltarların açıq havada deyil, qapalı məkanda qurudulması da tövsiyə edilir.

Qeyd edilir ki, bu sadə tədbirlər allergiya simptomlarını əhəmiyyətli dərəcədə azaltmağa kömək edə bilər.

Araşdırmalar göstərir ki, Avropa əhalisinin təxminən 40 faizi tozcuq allergiyasından əziyyət çəkir. Şəhər mühitində isə hava çirkliliyi və həyat tərzi səbəbilə bu göstərici daha yüksək ola bilər.

Həmçinin oxuyun

Milli Məclis yeni qərar qəbul etdi:iyulun 1-dən 10 il müddətinə qüvvədə OLACAQ

Azərbaycanda kredit borcları dondurula bilər – Kimlər yararlanacaq? 

Prezident onu təltif etdi

Fərhad Mehdiyevin qızının ölümü ilə bağlı ŞOK DETAL