Görkəmli arxeoloq, tarixçi İlyas Babayevin biblioqrafik göstəricisi işıq üzü görüb

CƏMİYYƏT

467

03.03.2026, 16:47

Azərbaycan Milli Elmlər Akademiyasının (AMEA) Mərkəzi Elmi Kitabxanasının (MEK) tərtibatında AMEA-nın müxbir üzvü, tarix elmləri doktoru, professor, görkəmli arxeoloq alim, tarixçi İlyas Babayevin 90 illik yubileyi münasibətilə alimin həyatı və elmi fəaliyyətini əks etdirən biblioqrafik göstərici hazırlanıb.

Oxu24.com xəbər verir ki,görkəmli alim, ömrünü Qafqaz Albaniyası tarixşünaslığının formalaşması və inkişafına, eləcə də Qəbələ bölgəsinin tarixi-mədəni irsinin sistemli tədqiqinə həsr edib. O, Qafqaz və İranın Antik dövr arxeologiyası üzrə dünyada tanınmış mütəxəssislərdən biri olub.

İlyas Babayev 270-dən çox elmi əsərin, xarici ölkələrdə nəşr olunmuş 80-dən çox elmi məqalənin müəllifidir. Onun rəhbərliyi ilə 12 namizədlik dissertasiyası müdafiə olunub.

AMEA Rəyasət Heyətinin müvafiq qərarlarına əsasən “Görkəmli Elm xadimləri” seriyası altında tərtib olunan biblioqrafik göstəricinin elmi redaktoru MEK-in direktoru texnika elmləri doktoru Hüseyn Hüseynovdur. Vəsaitin redaktorları Biblioqrafiya şöbəsinin müdiri, fil.ü.f.d. Aytən Əliyeva və Elmi biblioqrafiya sektorunun rəhbəri Nərgiz Novruzova, tərtibçisi isə baş biblioqraf Təranə Rüstəmovadır.

Həmçinin oxuyun

İranın neçə raketi qalıb? — RƏQƏMLƏR

Azərbaycana bu tarixdə qar yağacaq,dolu düşəcək — MARTIN HAVASI

İranın yeni ali lideri o olacaq? — ŞOK AD

Torpaq sahəsinin koordinatları bu qaydada dəyişdirilə bilər

Göstərici İlyas Babayevin həyat və fəaliyyətinin bütün sahələrini əks etdirir. Nəşrdə İ.Babayevin əsərləri, redaktə etdiyi və rəy verdiyi əsərlər, iştirak etdiyi beynəxalq, regional və respublika səviyyəli konfranslar, elmi rəhbərlik etdiyi dissertantlar, həmçinin rəhbərlik etdiyi arxeoloji ekspedisiyalar və s. haqqında məlumatlar verilir.

Biblioqrafiya tarixçilər, arxeoloq və etnoqraflar, elmi tədqiqatçılar, o cümlədən geniş oxucu kütləsi üçün nəzərdə tutulub. Qeyd edəki ki, bu nəşrin elektron versiyası ilə kitabxananın saytındakı elektron kitabxana bölməsində tanış olmaq mümkündür.

Nigarxanım