ABŞ-İran toqquşması dünya müharibəsinə səbəb OLACAQ? —  Deputatdan AÇIQLAMA

Rusiyanın keçmiş prezidenti, hazırda Təhlükəsizlik Şurasının sədr müavini olan Dmitri Medvedevin Üçüncü Dünya Müharibəsi ilə bağlı səsləndirdiyi fikirlərə Milli Məclisin deputatı Hikmət Babaoğlu münasibət bildirib.

Millət vəkili  Oxu24.com – a açıqlamasında qeyd edib ki, Dimitri Medvedevin, ABŞ-ın İranla müharibəsi kontekstində üçüncü dünya müharibəsinin başlanması ehtimalını ifadə etməsi hər şeydən öncə dünya müharibəsinin anlayışını kimin, necə qəbul etməsi kontekstində qiymətləndirilməlidir. 

Həmçinin oxuyun

DİQQƏT! Pensiyaçılara ŞAD XƏBƏR 

DİN-dən "Əhməd qaçıb" xəbərlərinə RƏSMİ CAVAB +VİDEO

Azərbaycanda  YENİLİK: Bu şəxslər də rəhbər vəzifəyə gətirilə bilər  

SON DƏQİQƏ! Bakıya uçan təyyarə təcili bu ölkəyə endi

"Yəni,  klassik mənada Yaxın Şərq özü-özlüyündə üçüncü dünya müharibəsinin başlanması üçün çox dar bir regiondur. Ona görə də bu, ehtimal mümkün deyil.Çünki bizim bildiyimiz klassik dünya müharibəsi dedikdə, dünya siyasətini təyin edən güc mərkəzlərinin böyük əksəriyyətinin iştirakı ilə başlayan müharibə deməkdir. Yaxın Şərqdə dünya müharibəsini aparmalı olan güclər sadəcə yoxdur. Bu məsələnin bir tərəfi. İkinci tərəfi ondan ibarətdir ki, müharibə gedən tərəflər arasında coğrafiya çox böyükdür. Bu da üçüncü  dünya müharibəsinin başlanmasını istisna edir. Yəni, dünya müharibəsinin başlanması həm konvensional müharibə deməkdir, həm də müasir mərhələdə kosmik müharibə deməkdir. Bunların ikisini bir yerdə, yəni ABŞ-İran münasibətlərində ikisini bir yerdə görmək mümkün deyil. Hərbi-texniki baxımdan nəzər saldıqda fərq ortaya çıxır. Ona görə də, bu ehtimal azdır və faktiki olaraq artıq, müharibə dördüncü gündür davam edir. Dünya müharibəsinin başlanması üçün heç bir əlamət yoxdur. Mənə elə gəlir ki, hətta region ölkələrin  bu müharibəyə aktiv müdaxilə etməmələri də dünya müharibəsi ehtimalını azaldır. Yəni, bütün parametrlərlə diqqət etsək, görəcəyik ki, bu çox az ehtimal olunan bir ideyadır. Sadəcə, Medvedevin bu fikirlərində,  Amerika Birləşmiş Ştatlarını müharibə etməkdən çəkindirmək manipulyasiyası dayanır. Amma mənə elə gəlir ki, bu da bir qədər sadəlövh yanaşmadır. Amerika Birləşmiş Ştatları belə manipulyativ mesajları ciddiyə alacaq qədər sadəlövh bir dövlət deyil”,-deyə deputat qeyd edib.

Ülkər Rəhmanqızı