Məşhur Xəlilovlardan Prezidentdə və Baş Prokurorluğa şikayət edildi   —  ŞOK DETALLAR 

İllərdir qarajını ala bilməyən vətəndaş şikayət edir.Söhbət "Dolçasaray" MTK-nın tikdiyi binalardan gedir.

Bu barədə Oxu24.com-a müraciət edən Səbinə Arif qızı Abdurrəhmanova bildirib.Vətəndaşın bildirdiyinə görə,qarşılaşdığı ədalətsiz və qanunsuz əməllərə görə,MTK-nın rəhbər şəxslərindən Prezident İlham Əliyevə, Baş Prokurorluğa və Daxili İşlər Nazirliyinə,həmçinin,digər qurumlara rəsmi müraciət hazırlayıb.Şikayətçinin bildirdiyinə görə,sözügedən "Dolçasaray" MTK-nın rəhbərliyi məsuliyyəti boynundan atmaq üçün müxtəlif fırıldaqlara əl atır.Şirkətin rəhbəri olan Hilal Xəlilov çirkin əməllərini ört-basdır etmək məqsədi ilə MTK-nı müvəqqəti olaraq qardaşı  Fəxrəddin Xəlilovun adına keçirib.

Onun sözlərinə görə,"Dolçasaray  Mənzil-Tikinti Kooperativ" tərəfindən illərdir aldadılır. Maşın saxlamaq üçün 35 min dolları alınsa da,bugünədək qaraj  ona təhvil verilməyib.

"Bakı şəhəri,Səbail rayonu,Nizami küçəsi 96-706-cı məhəllədə yerləşən binada 1 ədəd maşın üçün dayanacaq yeri məqsədi ilə  "Dolçasaray MTK"ya  35 min dollar pul ödədim.Həmin vaxt bina hələ tikilməmişdi.Pulun ödənməsinə dair MTK ilə aramızda müqavilə imzalandı və mənə bununla bağlı möhürlü arayış da verildi.Arayışda MTK-nın sədri Hilal Xəlilovun imzası da əks olunub.2006-cı ildə bağlanmış müqavilə 10 ilə yaxındır ki,icra olunmur.Bu özbaşnalığa son qoyulmasını və bizə müqavilədə göstərilən ya qarajın,ya da ödədiyimiz pulun geri qaytarılmasını  tələb edirik",-deyə şikayətçi bildirib.

Vətəndaşın bildirdiyinə görə,şirkət rəhbərliyi tərəfindən aldadıldıqdan sonra rəsmi şikayətlər edib.Bundan sonra onların ödədiyi pulun az bir hissəsini geri ala bilib.

"Uzun müddətdən sonra ödədiyimiz 35 min dollardan 10 min dollara yaxın pulumuzu geri ala bildik.İndi yerdə qalan 25 min dolları qaytarmaq istəmirlər.Hər gün şirkətə bir adam rəhbər gətirilir. Bu gün orada Fəxrəddin adlı şəxs direktordur.Ona da dəfələrlə demişik.Bizi hər gün aldadırlar",deyə vətəndaş bildirib.

Oxu24.com  məsələ ilə bağlı hazırda "Dolçasaray"MTK-nın  rəhbər şəxsi olan Fəxrəddin Xəlilovla  əlaqə saxlayıb.O,açıqlamasında problemin olduğunu təsdiqləyib.

"Bu məsələdən xəbərim var.Mən bu işdə yeniyəm.Problem köhnədən qalıb.Artıq bezmişəm bu söz-söhbətlərdən...Ərizə yazıb,işdən çıxacam",-deyə o bildirib.Fəxrəddin Xəlilovun MTK-nın əvvəlki rəhbəri Hilal Xəlilovun qardaşı olduğu deyilir.

Həmçinin oxuyun

Putin buna görə Əliyevdən üzr istəyib — RUSİYANIN AÇIQLAMASI

Məhkəmə Ramiz Mehdiyevin kürəkəni barədə QƏRAR VERDİ

Qulunc qırmağın bu  mənfi nəticəsi var imiş    —   Həkim XƏBƏRDARLIQ ETDİ

Prezident FƏRMAN İMZALADI 

Şikayətçinin dediyinə görə,MTK-nın işlərini qeyri-rəsmi olaraq  Ərəstun Hüseynov aparıb.

Oxu24.com məsələ ilə bağlı adıçəkilən şəxslə də danışıb.O,da problemin olduğunu təsdiqləyib.

"Şikayət edən sakinə  müəyyən ödənişlər edilib.Bina tikilən zaman dollarla müqavilə bağlanıb.O vaxtki məzənnə ilə bu günün məzənnəsi fərqlidir.Biz onlara  16 min manata yaxın pul ödəmişik.Yerdə qalan məbləği də ödəməyə çalışırıq.Mən rəsmi işçi deyiləm.Gedin,suallarınızı rəhbərə verin",-deyə Ərəstun adlı şəxs  bildirib.

Qeyd edək ki,sözügedən "Dolçasaray" MTK-nın adı mətbuatda Eldar Mahmudovun oğlu ilə bağlı qalmaqalda da hallanmışdı. Ləğv edilmiş Milli Təhlükəsizlik Nazirliyinin sabiq rəhbəri Eldar Mahmudovun oğlu Anar Mahmudov məhkəməyə verilmişdi.

Məlumata əsasən, tərəflər arasında məhkəmə çəkişməsi 2021-ci ildən başlayıb. “Dolçasaray” MTK Yasamal rayon Məhkəməsinə müraciət edərək Anar Mahmudova qarşı müqavilələrin ləğv edilməsi iddiasını qaldırıb. A. Mahmudov da qarşılıqlı iddia ilə çıxış edərək, MTK-dan əmlakın təhvil verilməsi, maddi və mənəvi ziyanın ödənilməsini tələb edib.

Birinci instansiya məhkəməsi MTK-nın iddiasını təmin etsə də, A. Mahmudovun iddiası təmin edilməyib. Buna görə də, iddia Ali Məhkəmənin kassassiya mərhələsinə qədər gedib çıxıb. Lakin Ali Məhkəmə işi yenidən apelyasiya göndərərək yenidən araşdırılmasını tələb edib.

Oxu24.com məsələni diqqətdə saxlayacaq.

Miri Məcidli