TƏBİB sağlamsan deyir,vətəndaş xəstə olduğunu...- PENSİYA MÜBAHİSƏSİ

news/2025_11_19/pensiya_sikay_1763550638.jpg

CƏMİYYƏT

575

19.11.2025, 15:06

Qazax rayonu,Dəmirçilər kənd sakini Şirxan Vaqif oğlu Mahmudovun pensiyasının kəsilməsi barədə xəbər vermişdik.

Şirxan Mahmudov Oxu24.com-a müraciətində hərbidə əlillik aldığını və ona II qrup əlillik pensiyası təyin olunduğunu bildirmişdi.

Ş.Mahmudovun sözlərinə görə,5 il müddətinə həmin pensiyanı alsa da,sonradan kəsilib.Bərpasına cəhdlər etsə də,nəticəsiz qalıb.

Dövlət Tibbi-Sosial Ekspertiza və Reabilitasiya Agentliyindən verilən məlumata görə,Qazax rayon sakini 1994-cü il təvəllüdlü Mahmudov Şirxan Vaqif oğlunun əlilliyinin qiymətləndirilməsi ilə bağlı son 4 il ərzində tibb müəssisəsi tərəfindən heç bir forma-88 göndərişi rəsmiləşdirilməyib.

Məsələ ilə bağlı TƏBİB Oxu24.com-un sorğusuna cavab verib.

Həmçinin oxuyun

“Kisvə İslamda ibadət obyekti deyil, şişirtməyə ehtiyac yoxdur” — İlahyyatçıdan şok açıqlama

Prezident təsdiqlədi: bu işçilərə ikiqat əmək haqqı ödənəcək

SON DƏQİQƏ! Şəmsi Səmədzadə HƏBS EDİLDİ

Azərbaycanda kimlər saat hesablı maaş alacaq? — Gözlənilən dəyişikliyin DETALLARI

TƏBİB-dən verilən məlumata görə,vətəndaş Mahmudov Şirxan Vaqif oğlunun müraciəti araşdırılıb.

" Araşdırmaya əsasən vətəndaşın onikibarmaq bağırsağın xorası diaqnozu ilə 2020-ci ilə qədər 5 il müddətinə təyin olunmuş əlillik dərəcəsi olub, əlillik müddəti bitdikdən sonra 2021-ci ildə yenidən göndəriş rəsmiləşdirilsə də Tibbi Sosial Ekspertiza Komissiyası (TSEK) tərəfindən imtina edilib. Səbəb kimi "diaqnoz əlillik əlaməti təyin etməməsi, diaqnoz əlillik əlaməti təyin etməməsi barədə qərar verilir” qeyd edilib.

Vətəndaşla qeyd olunmuş telefon nömrəsi ilə əlaqə saxlanılıb və qeydiyyatda olduğu Qazax Rayon Mərkəzi Xəstəxanasına dəvət olunub.

14.11.2025-ci il tarixdə Ş.Mahmudov Qazax RMX-da müayinə olunub və tibbi sənədlərinə baxış keçirilib. Vətəndaşın hazırda sağlamlıq vəziyyəti əlillik təyinatına əsas vermədiyindən Həkim Məsləhət Komissiya təqdim olunmaqdan imtina edilib",-deyə rəsmi açıqlamada qeyd olunub.

Hazırladı: Nigarxanım