TƏBİB açıqlama yaydı: Skleroz xəstələri üçün VACİB XƏBƏR

CƏMİYYƏT

907

06.11.2025, 15:41

Ötən gün Azərbaycanda dağınıq skleroz xəstəliyindən (MS) əziyyət çəkən şəxslərin şikayəti barədə məlumat vermişdik.

Oxu24.com-a müraciət edən Zaur Həmidov dövlət hesabına verilən "Avonex" iynəsinin tam miqdarda TƏBİB tərəfindən verilmədiyini bildirmişdi.

Qeyd edək ki,sözügedən iynənin qiyməti 1100-1200 AZN-dir. Bu,iynələr TƏBİB tərəfindən verilməlidir.

Oxu24.com-un yaydığı bu informasiya ilə bağlı TƏBİB açıqlama verib.

Saytın sorğusuna cavab olaraq qurumdan bildirilib ki, qeyd edilən dərman vasitəsinin tam effektiv olmadığı pasiyentlər üçün alternativ dərman preparatarı təyin edilir.

“Dağınıq skleroz xəstəliyinin müalicəsi, profilaktikası və onunla mübarizə tədbirlərinə dair Dövlət Proqramı” çərçivəsində dağınıq skleroz xəstəliyindən əziyyət çəkən şəxslərin dərman təminatının optimallaşdırılması istiqamətində zəruri addımlar atılır.

Respublika Klinik Xəstəxanasının Nevrologiya şöbəsindən dağınıq skleroz xəstəliyindən əziyyət çəkən şəxslərin siyahısı və dərman təminatı barədə tələbnamə göndərilir. İnnovasiya və Təchizat Mərkəzi tərəfindən müvafiq tələbnamə əsasında satınalma həyata keçirilir və dərman vasitələri tibb müəssisəsinə təqdim edilir.

Pasiyentlərin dərmanla təmin olunması mütləq şəkildə həkim rəyi əsasında həyata keçirilir. Qeyd edilən dərman vasitəsinin tam effektiv olmadığı pasiyentlər üçün alternativ dərman preparatarı təyin edilir. Tibb müəssisələri dağınıq skleroz xəstəliyindən əziyyət çəkən şəxslər üçün lazım olan dərman vasitələri ilə tam təmin olunub.

Qeyd edək ki, müvafiq Dövlət Proqramı çərçivəsində dağınıq skleroz xəstəliyinin ağırlaşma hallarının qarşısının alınması, dağınıq skleroz xəstəliyinin diaqnostikası və müalicəsinin təkmilləşdirilməsi, dağınıq skleroz xəstəliyi ilə bağlı əlilliyin və ölüm hallarının azaldılması, dağınıq skleroz xəstəliyinin müalicəsi ilə məşğul olan tibb müəssisələrinin maddi-texniki bazasının möhkəmləndirilməsi, xəstələrin dərman preparatları ilə davamlı təminatı ilə təmin edilir",-deyə TƏBİB-dən bildirilib.

Miri Məcidli

Həmçinin oxuyun