Xəstələr təhlükədə: 1200 manatlıq iynə niyə tapılmır?  

Azərbaycanda  dağınıq  skleroz – MS  xəstələri ciddi problemlə üzləşiblər. 

Belə ki,xəstələrin müalicəsi üçün nəzərdə tutulan  avonex iynəsi çatışmır. Daha doğrusu bu xəstəlikdən əziyyət çəkənlərə verilməli olan 4 qutu iynədən,yalnız iki qutusu TƏBİB tərəfindən verilir.Bu isə müalicənin effektini yarıya endirir.

Bu barədə  Oxu24.com-a  müraciət edən MS xəstəliyindən əziyyət çəkən  Zaur Həmidov məlumat verib.

Onun sözlərinə görə,MS xəstələri üçün  ayda vurulmalı olan 4 qutu iynəni tam miqdarda əldə edə bilmir.Bu səbəbdən də müalicəsi yarımçıq qalır.Bu isə onu çox narahat edir.

"Bununla bağlı TƏBİB-in qaynar xəttinə zəng etdim.Mənə bildirdilər ki, MS xəstələrinin sayı çox olduğu üçün iynə çatmır.Vəziyyətin nə vaxt düzələcəyini bildirmədilər",-deyə şikayətçi qeyd edib.

Oxu24.com sözügedən "Avonex" iynəsi barədə araşdırma aparıb.İsveçrə istehsalı olan  iynənin qiyməti 1100-1200 AZN-dir.Qiymət belə baha olduğundan qara bazarda bu iynəni əldə etmək bir qədər də bahalaşır.Bu,zaman qiymət 1500 AZN-ə qədər qalxa bilir.

Qeyd edək ki,sözügedən iynə MS xəstələrinə  həftədə 1 dəfə  vurulmalıdır.

Həmçinin oxuyun

Türkiyənin məşhur müğənnisi vəfat etdi

Prezident İlham Əliyev Ramiz Mehdiyevlə bağlı danışdı - İlk dəfə 

Hikmət Mirzəyevlə bağlı maraqlı FAKT: Paradda diqqəti çəkdi - FOTO

Kreditor borcuna görə həbs oluna bilərsinir - DİQQƏT!

Dağınıq skleroz mərkəzi sinir sisteminin uzun müddətli (xroniki) bir xəstəliyidir. Bədənin səhvən özünə hücum etdiyi bir vəziyyət olan autoimmun bir pozğunluq olduğu düşünülür.

Dağınıq skleroz, insanları fərqli şəkildə təsir edir. Bəzi şəxslərdə yalnız yüngül simptomlar ola bilər. Bəziləri isə beyin ilə bədənin digər hissələri arasındakı əlaqə pozulduğunda aydın görmə, yazma, danışma və ya yeriyə bilmə qabiliyyətlərini itirə bilərlər.

Dağınıq skleroz-da immun sistemi sinir liflərini əhatə edən qoruyucu qılafa (mielin) hücum edir. Beyinlə bədənin geri qalanı arasında ünsiyyət problemlərinə səbəb olur. Nəhayət xəstəlik sinir liflərində daimi zədələnməyə və ya pozulmaya səbəb ola bilər.

Dağınıq skleroz-un bir müalicəsi yoxdur. Ancaq sağalmağı sürətləndirməyə, xəstəliyin gedişatını dəyişdirməyə və simptomları idarə etməyə kömək edən müalicələr vardır.

Xatırladaq ki, Prezident İlham Əliyev sonuncu dəfə 2018-ci ilin fevralında “Dağınıq skleroz xəstəliyinin müalicəsi, profilaktikası və onunla mübarizə tədbirlərinə dair 2018-2022-ci illər üçün Dövlət Proqramı”nın təsdiq edilməsi haqqında sərəncam imzalayıb. Sərəncama əsasən Dağınız skleroz (MS) xəstələrinə dərmanlar dövlət tərəfindən pulsuz verilir.

Oxu24.com məsələ ilə bağlı TƏBİB-ə sorğu ünvanlayıb.

Miri Məcidli