SİMA ilə taksi səfərləri daha etibarlı!

news/2025_07_14/img_20250714_wa0012_1752472550.jpg

CƏMİYYƏT

981

14.07.2025, 09:53

SİMA-nın üztanıma texnologiyasının qeyri-qanuni taksi fəaliyyətinin qarşısının alınması məqsədilə “Bolt”, “Uber” və “Yango” mobil tətbiqlərində istifadəsinə başlanılıb.

Artıq qeyd edilən taksi operatorlarının sürücüləri şəxsiyyətlərini SİMA-nın KYC (Müştərini tanı) rəqəmsal həlli vasitəsilə təsdiq edərək fəaliyyət göstərəcəklər. Rəqəmsal identifikasiya – üztanıma yoxlamasını uğurla keçən sürücülərin taksi fəaliyyəti ilə məşğul olmasına icazə veriləcək. Profil sahibinin fotosu ilə sürücünün siması eyniləşmədiyi təqdirdə həmin profil bloklanacaq. Bununla da uyğun olmayan şəxslərin sürücü kimi işləməsinin və qeyri-qanuni profil istifadəsinin qarşısı alınacaq.

Yeniliyin əsas məqsədləri:

- Üztanıma texnologiyası ilə nəzarət mexanizmini gücləndirmək;

- Uyğunluğu təsdiqlənmiş sürücülərin taksi fəaliyyətinə şərait yaratmaq;

- Sürücü profilinin digər şəxslərə ötürülməsinin qarşısını almaq;

- Sərnişinlərin təhlükəsizliyini təmin etmək və ictimai etimadı artırmaq.

İnteqrasiya nəticəsində “Bolt”, “Uber” və “Yango” sürücülərindən bir neçə mərhələdə və müxtəlif zaman aralığında üztanıma testindən keçməsi tələb oluna bilər. Həmin mərhələlər aşağıdakı kimidir:

Həmçinin oxuyun

Leyla Əliyeva xalasını doğum günündə belə TƏBRİK ETDİ

Respublikanın ən gənc prorektoru Hidayətli kimdir? - DOSYE

Onkoloq XƏBƏRDARLIQ EDİR: Xərçəng xəstəliyinə tutulduğumuzu necə bilməliyik?

Avtomobilimin işıq cihazlarında dəyişiklik edə bilərəmmi? - SUALA CAVAB

- Tətbiqə ilkin qeydiyyat zamanı;

- Sistemə yenidən daxil olduqda;

- Sifariş tələbi gələn zaman (alqoritm əsasında).

Qeyd edək ki, taksi fəaliyyəti ilə bağlı bu yenilik “AzInTelecom” MMC və Azərbaycan Yerüstü Nəqliyyat Agentliyinin birgə əməkdaşlığı çərçivəsində tətbiq edilib.

“SİMA KYC” haqqında

“SİMA KYC”ni (Know Your Customer – Müştərini Tanı) rəqəmsal həlli AZCON Holding şirkətlərindən olan “AzInTelecom” MMC 2023-cü ildə yaradıb. Bu həll üz cizgiləri əsasında biometrik identifikasiya apararaq istifadəçinin kimliyini müəyyən edir. “SİMA KYC” şəxsiyyətin təsdiqlənməsi üçün lazım olan bütün proseslərdə istifadə oluna bilər.