“Mən heç kəsi bura məcbur gətirməmişəm” – Ağdam xəstəxanasında həkim Sevinc Sadıqova sığortalı xəstələrə qapı göstərir

Ağdam Mərkəzi Xəstəxanasında sığortalı xəstələrə qarşı laqeyd münasibət – Oftalmoloq Sevinc Sadıqovanın davranışları narazılıq doğurur

Oxu24.com  xəbər  verir   ki, İcbari tibbi sığorta vətəndaşlara dövlət tibb müəssisələrində pulsuz və keyfiyyətli tibbi xidmət almaq imkanı yaradır. Lakin bəzi hallarda həkimlərin laqeyd və qeyri-etik davranışı bu sistemə olan inamı zədələyir. Belə narazılıqları yaradan həkimlərdən biri də Ağdam Rayon Mərkəzi Xəstəxanasının oftalmoloqu Sevinc Sadıqovadır. 

Şəxsi müşahidəmə əsasən bu gün şahid oldum ki, həkim Sevinc Sadıqova sığorta ilə müraciət edən xəstələrə  onun qəbulunda olmuş bir çox xəstənin dediyi kimi qeyri-peşəkar, sayğısız və kobud davranış sərgiləyir. O, xəstələrlə sanki şəxsi mülkünə gəlmiş insanlar kimi danışır, suallara hörmətsiz cavab verir. Hətta Pasiyentlərin fikrincə, bu, artıq adi hal alıb.

Gözləmə əsnasında həmçinin məlum oldu ki, Sevinc Sadıqova iş saatlarına da əməl etmir. Səhər saat 09:00-da başlamalı olan qəbulunu, 10:30-da başlayıb. Nəticədə saatlarla növbə gözləyən vətəndaşlar haqlı narazılıq edirlər. Növbədenkənar xəstələr qəbul edir. Həkim, bizi də qəbul edə biləcəksinizmi sualını pasiyent verdikdə “Mən heç kəsi bura məcbur gətirməmişəm, istəməyən gedə bilər” kimi ifadələr işlədir. Bu isə xüsusilə yaşlı, xəstə və uzaq rayonlardan – Tərtər, Bərdə, Ağcabədi və digər bölgələrdən gəlmiş pasiyentlər üçün ciddi psixoloji narahatlıq yaradır. Sevinc xanımın öz təyin etdiyi saatda orada olduğumuz halda eyni sayğısız münasibətlə biz də üzləşdik. Halbuki sığorta ilə gedən xəstələrə necə laqeydlik göstərdiklərini bildiyim üçün, köməkçisinə də bildirmişdim ki, anam sığorta ilə müayinə olunmayacaq, ödənişi nədirsə onu da ödəyəcəyik.

Sevinc Sadıqova, unutma  ki, həkimlik sadəcə peşə deyil – bu, vicdan, mərhəmət və insan sevgisi tələb edən bir missiyadır. Müalicə üçün uzaq yollardan gələn vətəndaşlarımız bəzən ailə büdcəsindən kəsərək, ümidlə həkimə üz tuturlar. Onlara qarşı göstərdiyin bu cür münasibət nə etik normalara, nə də peşə məsuliyyətinə uyğun deyil. 

Siz dövlət müəssisəsində xalqa xidmət etmək üçün çalışırsınız və maaşlarınızı da xalqın vergiləri hesabına alırsınız. Həkim andının əsas prinsipi isə insana hörmət və qayğıdır.

Vətəndaşa qarşı bu qədər laqeyd və sayğısız davranmağa hansı ixtiyarla cəsarət edirsiniz?

Buradan üzümü tuturam Səhiyyə Nazirliyi, TƏBİB, İcbari Tibbi Sığorta üzrə Dövlət Agentliyi və digər aidiyyəti qurumlara. Azərbaycan vətəndaşlarına qarşı dövlət xəstəxanasında göstərilən bu münasibəti və onun ardında duran səbəbləri ciddi şəkildə araşdırmağınızı  və Sevinc Sadıqovanın fəaliyyətini obyektiv qiymətləndirməyinizi xahiş edirəm. 

Həmçinin oxuyun

“Aztelekom” sabiq direktorunun  oğlu məhkəməyə gəlmir 

Yarışda dəhşət yaşandı: İnsanlar öldülər (18+)

Kürdəmirlilərə şad xəbər: Prezident sərəncam İMZALADI 

Prezident Fərman İMZALADI 

Əgər o, sığorta ilə gələn xəstələri qəbul etməkdə maraqlı deyilsə, buyursun, özəl sektorun yolunu tutsun. Dövlət xəstəxanası şəxsi rahatlıq üçün yox, sığorta sisteminə güvənən xalqa keyfiyyətli tibbi xidmət göstərmək üçün nəzərdə tutulub.

Pərvin Şakirqızı