Qazaxıstanın Aktau şəhərində "Azərbaycan Hava Yolları"na məxsus təyyarənin qəzaya uğraması ilə bağlı cinayət işi açılıb.

Oxu24.com-un məlumatına görə,Tengrinews.kz bu barədə respublikanın nəqliyyat polis idarəsinin mətbuat xidmətinə istinadən xəbər verir.

Qeyd olunur ki, faktla bağlı “Nəqliyyat vasitəsinin istismarı zamanı təhlükəsizlik qaydalarını pozma ehtiyatsızlıqdan iki və daha çox şəxsin ölümünə səbəb olduqda” maddəsi ilə ibtidai istintaqa başlanılıb.

Dekabrın 25-də səhər saatlarında “Azərbaycan Hava Yolları” QSC-nin Azərbaycanın paytaxtı Bakıdan Qroznıya uçan sərnişin təyyarəsi Qazaxıstanın Aktau şəhərinin hava limanında qəzaya uğrayıb. Qəzadan əvvəl təyyarənin ekipajı təcili eniş tələb edib. Qazaxıstan Fövqəladə Hallar Nazirliyinin məlumatına görə, təyyarənin qəzaya uğradığı yerdə yanğın baş verib. Oraya 52 şəxsi heyət və 11 bölmə texnikası göndərilib.

Miri