Zelenski Kursk əməliyyatının MƏQSƏDİNİ AÇIQLADI: "O zaman Rusiya lideri..."

Ukrayna Silahlı Qüvvələrinin (AFU) Kursk vilayətində keçirdiyi əməliyyatın məqsədi Rusiyanı Donbassdan sərhəd bölgəsinə qoşun yeritməyə məcbur etməkdir.

OXU24.COM  xəbər verir ki, bu barədə Ukrayna Prezidenti Volodimir Zelenski CNN-ə müsahibəsində bildirib.

“İdeya bəzi rus qüvvələrini ora (Kursk vilayətinə) köçürmək idi. Və mən hesab edirəm ki, bu, düzgün fikir idi”, - Zelenski bildirib.

O qeyd edib ki, əvvəlcə bu əməliyyatın nə qədər “riskli” olduğu barədə anlayış var idi.

Onun sözlərinə görə, Qərb silahlarının ləng tədarükü ona gətirib çıxarıb ki, Ukrayna 14 briqadadan hətta dördünü belə təchiz edə bilməyib.

Ukrayna lideri vurğulayıb ki, mərmilərin sayına görə Rusiyanın üstünlüyü hazırda Ukrayna üzərində 12-ə 1-dir.

Zelenskinin sözlərinə görə, Rusiya Silahlı Qüvvələri təkcə Ukraynanın şərqinə ayda 4000 hava bombası atıb və onların köməyi ilə Ukraynanın enerji infrastrukturunun 80%-ni məhv edib.

"Ona görə də Qərb Kiyevə Rusiya aerodromlarına hücum etmək üçün uzaqmənzilli raketlərdən istifadə etməyə icazə verməlidir", - Prezident deyib.

O, həmçinin aydın şəkildə bildirib ki, onun tezliklə ABŞ Prezidenti Co Baydenə təqdim edəcəyi “qələbə planı”nın hissələrindən biri rusların həyatını daha da pisləşdirmək cəhdidir. Zelenski hesab edir ki, o zaman Rusiya lideri Vladimir Putin danışıqlara daha çox hazır olacaq.