Azərbaycanda ürək əməliyyatı NEÇƏYƏDİR?  —  QİYMƏTLƏR

Bu gün dünyada və ölkəmizdə 29 Sentyabr – Dünya Ürək Günü kimi qeyd olunur.

Bu əlamətdar günün əsas məqsədi cəmiyyətin diqqətini ürək-damar xəstəliklərinə və onların profilaktikasına cəlb etməkdir.

Ümumdünya Səhiyyə Təşkilatının (ÜST) məlumatlarına əsasən, ürək-damar xəstəlikləri hələ də dünyada erkən ölümlərin bir nömrəli səbəbi olaraq qalır.

Hər il milyonlarla insan məhz bu patologiyalar səbəbindən həyatını itirir.

Mütəxəssislər bildirirlər ki, qeyri-sağlam qidalanma, fiziki hərəkətsizlik, tütün istifadəsi və xroniki stres ürək xəstəliklərinin riskini kəskin şəkildə artırır.

Lakin vaxtında edilən profilaktik müayinələr və həyat tərzindəki müsbət dəyişikliklər vasitəsilə bu xəstəliklərin böyük əksəriyyətinin qarşısını almaq mümkündür.

Ölkəmizdə də son illərdə kardiologiya sahəsində genişmiqyaslı işlər görülür, müasir müayinə və müalicə metodları tətbiq olunur. Bununla belə, vətəndaşları ən çox maraqlandıran məsələlərdən biri ürək xəstəliklərinin müayinə və müalicə xərcləri, eləcə də bu xərclərin dövlət tərəfindən qarşılanma səviyyəsidir.

Müasir dövrdə ürək-damar xəstəliklərinin həm dünyada, həm də Azərbaycanda ölüm göstəricisinə və yayılma tezliyinə görə ilk sıralarda dayanmasını nəzərə alaraq, mövzu ilə bağlı kardioloq Günay Məhərrəmzadə Oxu24.com-a açıqlama verib.

İcbari Tibbi Sığortanın xidmətlər paketindən və qiymətlərdən danışan mütəxəssis bildirib:

"İcbari Tibbi Sığorta ürəklə bağlı stent əməliyyatını, aritmiya müalicələrini və müxtəlif kardioloji müayinələri qarşılayır. Lakin dəqiq və konkret qiymət qeyd etmək düzgün olmazdı, çünki bu xərclər tibb müəssisələrindən asılı olaraq dəyişir”.

Oxu24.com olaraq apardığımız araşdırmaya əsasən, İcbari Tibbi Sığortadan kənar ödənişli xidmətlər üzrə orta qiymətlər aşağıdakı aralıqda dəyişir:

Kardioloji müayinələr (EKQ, Exo-KQs, Xolter və s.): 60 – 100 AZN

Anjo (Angioqrafiya) müayinəsi: 300 – 500 AZN

Ürək əməliyyatları: 8 000 – 10 000 AZN

Hazırladı: Çimnaz Ağayeva

Həmçinin oxuyun

Yeni detallar:Əməliyyatı DTX keçirir: Dünya çempionu qaçdı

 Ceyhunla bağlı ŞOK DETAL

Həmin davaya görə tanınmış idmançı HƏBS EDİLDİ - FOTO

Davada həyatını itirən Ceyhunun oğlu KİMDİR? -FOTO