"Qurd xəstəliyi" Azərbaycanda nə qədər yayılıb? — VACİB XƏBƏRDARLIQ

$\"Qurd xəstəliyi\" Azərbaycanda nə qədər yayılıb? — VACİB XƏBƏRDARLIQ  $

TİBB

326

11.09.2026, 15:05

Xəbərlərimizi Google-da izləyin

Yeniliklərdən dərhal xəbərdar olun

Azərbaycanda geniş yayılmış parazitar xəstəliklərdən biri də el arasında "qurd xəstəliyi" kimi tanınan exinokokkodur. Bu xəstəlik adətən heyvanlardan insanlara müxtəlif yollarla, o cümlədən birbaşa təmas zamanı keçir. Eyni zamanda, qidaların normal yuyulmadığı hallarda və ya xəstə heyvanların ətlərinin qəbul edilməsi də yoluxmaya səbəb ola bilər. Orqanizmə düşən parazitlər ağciyər, qaraciyər və böyrək kimi parenximatoz orqanlarda içərisi maye dolu kistalar yaradır. Xəstəliyin əlamətləri və müalicə üsulları isə kistaların yerləşdiyi orqandan və həcmindən asılı olaraq dəyişir.

Xəstəlik insan organizminə düşdükdə ağciyər, qaraciyər və böyrək kimi parenximatoz orqanlarda içərisində parazitlərin olduğu maye dolu kistalar əmələ gətirir. Ağciyərdə yaranan kistalar öskürək və tənəffüs çətinliyi (təngnəfəslik) kimi şikayətlərlə özünü büruzə verir.

Ağciyərlə bağlı problemlər zamanı olunan döş qəfəsi rentgeni vasitəsilə ağciyərlərin exinokokku asanlıqla aşkar olunur.

Exinokokkun yaratdığı kistalar müxtəlif ölçülərdə olur və kiçik ölçülü kistalar bəzən yalnız drman müalicəsi ilə aradan qaldırıla bilir. Xəstələr əsasən kistaların həcmi həddindən artıq böyüdüyü zaman müraciət etdikləri üçün bu problem yalnız əməliyyat üsulu ilə aradan qaldırılır.

Ağciyər exinokokkunun əməliyyatlarında həm açıq, həm də qapalı üsuldan istifadə olunur və bu zaman ağciyərin həcmi kiçilmir, yalnız kista aradan qaldırılır.

Nigar

Həmçinin oxuyun