Selen qəbul edərkən DİQQƏTLİ OLUN: Doza həddinin aşılması təhlükəli fəsadlara yol aça bilər  

Son dövrdə orqanizmin immunitet sistemini gücləndirmək və müxtəlif xəstəliklərlə mübarizə aparmaq üçün mineral və vitamin qəbuluna maraq nəzərə çarpacaq dərəcədə artıb. Xüsusilə antioksidant xüsusiyyətləri ilə tanınan selen mikroelementi bir çox insanın gündəlik qida rasionunun və ya müalicə planının vacib tərkib hissəsinə çevrilib. Lakin həkim nəzarəti olmadan və ya normadan artıq selen qəbul edilməsi orqanizmdə ciddi sağlamlıq problemlərinin yaranmasına səbəb ola bilər. Mütəxəssislər bildirirlər ki, faydalı hesab edilən bu elementin normadan artıq qəbulu zəhərlənməyə və orqanların funksiyasının pozulmasına şərait yaradır. Bu səbəbdən qida əlavələrindən istifadə edərkən mütləq doza həddinə diqqət yetirilməli və paralel qəbul edilən preparatların tərkibi nəzarətdə saxlanılmalıdır.

Mövzu ilə bağlı Oxu24.com-a açıqlama verən kardioloq Aynur Məmmədova həkim selen elementinin orqanizmə təsirləri və həddindən artıq qəbulunun fəsadları barədə məlumat verib.

O bildirib ki, Selen orqanizm üçün çox vacib mikroelementlərdən biridir:

“O, güclü antioksidant təsirə malikdir, immunitet sistemini qaldırır və xüsusilə Xaşimoto zobu xəstəliyinin müalicəsində ən çox istifadə olunan mineral hesab olunur. Lakin hər bir faydalı maddə kimi, selenin də artıqlığı orqanizm üçün son derece zərərlidir və 'selenoz' adlanan xəstəliyin yaranmasına gətirib çıxarır”.

Onun sözlərinə görə, Selenoz zamanı insanlarda ürəkbulanma, saç tökülməsi, eləcə də qaraciyər və böyrəklərin funksiyasının pozulması kimi ciddi ağırlaşmalar müşahidə edilə bilər. Nəzərə almaq lazımdır ki, insanın günlük selen tələbatı 55 mikroqramdır. Əgər bu göstərici günlük 400 mikroqramı keçərsə, qeyd etdiyim mənfi əlamətlər özünü büruzə verməyə başlayacaq.

“Əgər həkiminiz sizə Xaşimoto zobu və ya digər səbəblərdən ayrıca selen preparatı təyin edibsə, paralel olaraq başqa polivitaminlər qəbul edərkən çox diqqətli olmalısınız. İstifadə etdiyiniz digər polivitaminlərin tərkibindəki selenin dozasına mütləq diqqət yetirməli və doza həddini aşmamalısınız”,- deyə o əlavə edib.

Həmçinin oxuyun

TƏCİLİ! Avtomobil aşaraq yanıb, ölən və xəsarət alan var

Coşqun və Ucalın ölümünün şok detalları:200-300 metr aralı olublar -VİDEO

Bu şəxslərə əmək pensiyası xüsusi qaydada təyin olunur – AÇIQLAMA 

Qadınların 55 yaşında pensiyaya çıxması ilə bağlı AÇIQLAMA