Möcüzəvi POEM əməliyyatı: Bədəndə heç bir kəsik aparılmadan sağlamlığa QAYIDIŞ

TİBB

397

28.07.2026, 12:15

Xəbərlərimizi Google-da izləyin

Yeniliklərdən dərhal xəbərdar olun

Oxu24.com xəbər verir ki, müasir tibbin ən böyük nailiyyətlərindən biri sayılan və udqunma pozunluqlarının müalicəsində inqilab edən POEM (Peroral Endoskopik Miyotomiya) əməliyyatı xəstələrə tamamilə ağrısız və izsiz bərpa imkanı yaradır.

Xüsusilə axalaziya (qida borusu əzələlərinin gərginləşməsi və qidanın mədəyə keçə bilməməsi) xəstəliyindən əziyyət çəkən şəxslər üçün bu metod əsl xilas yoluna çevrilib.

Əməliyyat necə həyata keçirilir?

Ənənəvi cərrahiyyə əməliyyatlarından fərqli olaraq, POEM prosessində xəstənin bədənində — nə qarın, nə də sinə nahiyəsində heç bir kəsik aparılmır.

•Prosedurun gedişatı: Əməliyyat tamamilə ağız boşluğundan daxil olan xüsusi endoskopik cihaz vasitəsilə icra olunur. Qida borusunun daxili təbəqəsindən keçilərək sıxılmış əzələ qatı kəsilir və qidanın rahatlıqla mədəyə keçməsi təmin edilir.

•Tikişsiz və izsiz: Xaricdən heç bir kəsik olmadığı üçün əməliyyatdan sonra heç bir yara izi qalmır.

POEM əməliyyatının üstünlükləri:

•Sürətli bərpa dövrü: Xəstələr əməliyyatdan qısa müddət sonra gündəlik həyatına qayıda və normal qidalanmağa başlaya bilirlər.

•Ağrısız proses: Bədən örtüyü kəsilmədiyi üçün əməliyyatdan sonrakı ağrılar minimum səviyyədə olur.

•Yüksək nəticə: Müalicənin uğur faizi 90%-dən yuxarı qiymətləndirilir.

Mütəxəssislərin bildirdiyinə görə, illərlə rahat yemək yeyə bilməyən, udma çətinliyi və qusma şikayətləri olan xəstələr bu "möcüzəvi" prosedur sayəsində reabilitasiya dövrünü çox rahat keçirərək qısa zamanda sağlamlıqlarına qovuşurlar.

Həmçinin oxuyun