Qonşunuzun evinə çıxarış verilib,sizə verilməyibsə,bu detalı BİLMƏLİSİNİZ

Bələdiyyə sənədli evlərin və torpaqların sənədləşdirilməsi mümkündür, amma burada əsas problem ilkin torpaq ayırma sənədinin düzgün və tam rəsmiləşdirilməsidir.

Misal üçün, alqı-satqı müqaviləsində “Torpaq və Xəritəçəkmə Komitəsinin (indiki Əmlak Məsələləri Dövlət Xidməti sisteminə daxil olan qurumların) rəyi təsdiq olunub” hissəsi boşdursa, qeydiyyat orqanı bunu ciddi çatışmazlıq sayır və çıxarış verməkdən imtina edir. Praktikada bir çox imtinalar məhz bu səbəbdən olur.

Ancaq bu o demək deyil ki, vəziyyət ümidsizdir. Şans var və bu şans əsasən məhkəmə qaydasındadır.

Oxu24.com xəbər verir  ki,əgər eyni küçədə, eyni cərgədə yerləşən qonşular da vaxtilə bələdiyyədən torpaq alıb və onların sənədləri də eyni formada olubsa, lakin onlar artıq çıxarış (yəni mülkiyyət hüququnun dövlət qeydiyyatı) alıblarsa, bu, sizin üçün hüquqi əsas yaradır.

Burada “inzibati praktika” anlayışı önə çıxır. Yəni dövlət orqanı eyni hüquqi vəziyyətdə olan şəxslərə fərqli yanaşa bilməz. Eyni əsaslarla birinə çıxarış verib, digərinə imtina etmək bərabərlik prinsipinə ziddir.

Belə halda vəkil vasitəsilə məhkəməyə müraciət etmək mümkündür. Məhkəmədə tələb belə qoyula bilər:

Həmçinin oxuyun

Sosial ödənişlərlə bağlı ŞAD XƏBƏR

5 saat işıq OLMAYACAQ - DİQQƏT!

Niyə Müctəba Xamenei rəhbər seçildi? – SEPAH-ın planı 

Buraxılış imtahanı ilə bağlı məsələ böyüyür: Nəticələr ləğv olunacaq? 

qonşuların ilkin torpaq ayırma sənədləri məhkəməyə təqdim olunsun və müqayisə edilsin. Əgər onların sənədlərində də həmin “xəritə təsdiqi” hissəsi yoxdursa, amma buna baxmayaraq mülkiyyət hüquqları qeydiyyata alınıbsa, bu, sizin xeyrinizə ciddi arqumentdir.

Məhkəmənin diskresion (qiymətləndirmə) səlahiyyəti var. O baxacaq ki: – Torpaq qanuni qaydada bələdiyyə tərəfindən ayrılıb ya yox

– Ərazi hər hansı dövlət ehtiyacı üçün nəzərdə tutulubmu

– Kommunikasiya xətləri, qorunan zona, yol və ya xüsusi rejimli ərazi varmı

– Tikili faktiki mövcuddurmu və uzun müddətdir istifadə olunubmu

Əgər bu baxımdan maneə yoxdursa, məhkəmə mülkiyyət hüququnun tanınması barədə qərar verə bilər. Həmin qərar əsasında artıq qeydiyyat orqanı çıxarış verməyə borcludur.

Yəni, bələdiyyə torpağı üzərində tikilmiş evin sənədləşdirilməsi mümkündür, amma inzibati qaydada mümkün olmadıqda, məsələ məhkəmə yolu ilə həll olunur. Təcrübədə bu cür işlər çox olub və müsbət nəticə alınan hallar kifayət qədərdir.

Hazırladı: Miri Məcidli