Oynaq təzyiqi olanlar buna diqqət etsinlər!

“Mənim təzyiqim oynaqdır” deyən insanların əksəriyyətində əslində patoloji hal yox, fizioloji dəyişkənlik olur. Arterial təzyiq sabit rəqəm deyil. Səhər yuxudan yeni oyananda bir qədər aşağı ola bilər, gün ərzində aktivlik artdıqca yüksələ bilər, əsəbiləşəndə qalxar, istirahətdə düşər. 10–15 mm civə sütunu fərq (məsələn, 120-dən 110-a düşməsi və ya 120-dən 130-a qalxması) normal dəyişkənlik hesab olunur. Bu, “təzyiq oynayır” demək deyil, orqanizmin adaptasiya mexanizmidir.

Oxu24.com xəbər verir  ki,təzyiq fiziki aktivlikdən sonra qalxır, emosional gərginlik zamanı artır, yuxu zamanı və istirahətdə isə enir.

Bütün sağlam insanlarda bu dəyişikliklər baş verir. Vacib olan davamlı yüksək göstəricidir — yəni ölçmələr təkrar-təkrar 140/90 və daha yuxarı çıxırsa, o zaman artıq arterial hipertenziyadan danışılır.

Sovet dövründə istifadə olunan bəzi üsullar, məsələn “qansız qanburaxma” kimi tanınan – ayaqları isti suya salmaqla aşağı ətraf damarlarını genişləndirib təzyiqi salmaq – bu gün tibbi baxımdan təhlükəli sayılır. Çünki xüsusilə yaşlı və beyin damarlarında ateroskleroz olan şəxslərdə qan aşağı ətraflara yönəldikdə beyin qan dövranı kəskin pozula bilər və insult riski yarana bilər. Praktikada belə halların baş verməsi mümkündür və buna görə bu üsul müasir tibbdə tövsiyə olunmur.

Həmçinin oxuyun

Bir ev bir neçə nəfərə satılıbsa,əsl sahibi kim OLACAQ?   —  Vacib məqam

Bu gün işini itirən Vüqar Qurbanov neçə minlik maşın sürür? — Nömrəsi də BELƏDİR 

Bu xanıma yüksək vəzifə VERİLDİ

Qonşunuzun evinə çıxarış verilib,sizə verilməyibsə,bu detalı BİLMƏLİSİNİZ

Bu gün farmakologiyada arterial təzyiqi nəzarətdə saxlamaq üçün kifayət qədər effektiv və təhlükəsiz preparatlar var. Əsas prinsip budur: əgər insanda davamlı yüksək arterial təzyiq varsa, müalicə daimi və sistemli olmalıdır. Dərman “özümü pis hiss edəndə içim” prinsipi ilə yox, hər gün, həkimin təyin etdiyi qaydada qəbul edilməlidir.

İnsan ömrü uzandıqca xroniki xəstəliklərin sayı da artıb. Əvvəllər insanlar infeksion xəstəliklərdən erkən vəfat edirdi, indi isə ürək-damar xəstəlikləri daha çox yayılıb. Arterial hipertenziya da onlardan biridir. Amma düzgün nəzarət və müntəzəm müalicə ilə insan normal və keyfiyyətli ömür yaşaya bilər. Əsas məsələ təzyiqi “oynaqdır” deyib laqeyd yanaşmamaq, amma normal 10–15 mm fərqə görə də panikaya düşməməkdir.

Hazırladı: Nigarxanım