100 minlərlə insanın həyatına son qoyan VƏBA 125 İLDƏN SONRA QAYIDIR?

Artıq bir neçə gündür İngiltərə mediası SOS siqnalı çalır.

Oxu24.com xəbər verir ki, təqaüdçü, 80 yaşlarında olan iki uşaq atasının ötən həftə evdə ürəkbulanma və ishal şikayətləri ilə həkimə müraciət etməsi  mediada müzakirələrə səbəb oldu.

Xəstə təcili Uorvikşirin Nuneaton şəhərindəki Corc Eliot Xəstəxanasına götürülüb və və dərhal karantinə alınıb.

Buna baxmayaraq  10 fevralda  xəstə elə orada  vəfat edib. Tibbi analizlərin  cavabı  İngiltərə vətəndaşlarını narahat edib.

Həmin şəxsdə  “Viktoriya dövründə” on minlərlə insanın ölümünə səbəb olan, su yolu ilə yayılan  “Vibrio cholerae “, yəni vəbaxəstəliyi aşkarlanıb.

Birləşmiş Krallıq və Britaniya İmperiyası tarixində Viktoriya dövrü Kraliça Viktoriyanın 20 iyun 1837-ci ildən 22 yanvar 1901-ci ildə vəfatına qədər hakimiyyəti dövrüdür. Kraliça Viktoriyanın dövründə Britaniya İmperiyası bu dövrdə genişləndi və dünyada üstünlük təşkil etdi. Ona görə də ingilislər həmin dövrə ehtiram əlaməti olaraq  “Viktoriya dövrü” deyilir. 

Həmçinin oxuyun

Uşaqların sosial şəbəkələrdən istifadəsi qadağan edilir: Azərbaycan bu qərara hazırdır?    —   ARAŞDIRMA

Pensiya gözləyənlərə ŞAD XƏBƏR

Azərbaycanda bu şəxslərə güzəşt olunacaq   — Parlament qərar qəbul ETDİ

Əhaliyə ŞAD XƏBƏR! Milli Məclis maaşlarla bağlı  QƏRAR QƏBUL ETDİ

İngiltərədə Vəba

Vəba ilk dəfə 1665–1666-cı illərdə İngiltərənin paytaxtı London şəhərində baş verib.Böyük London vəbası deyilən bu epidemiya zamanı   100 mindən çox insan ölüb.

Daha sonra bu dəhşətli xəstəlik İngiltərənin 1831-ci ildə, Sanderlend sahilinin çirkli küçələrində görünür. Ticarət yolları vasitəsilə bütün Avropaya  yayılır.

Simptomlara şiddətli qusma, bağırsaqlardan litrlərlə bulanıq su axması, qıcolmalar və tünd mavi rəngli dəri qırışları daxildir. Həkimlər bunun nə olduğunu və necə müalicə olunacağını anlamağa çalışarkən qurbanlar çox vaxt bir neçə saat ərzində ölürdülər. Britaniyada ilk vəba epidemiyası 32.000 insanın ölümünə səbəb oldu.1848-ci ildə 52.000, altı il sonra isə 20.000 nəfər həyatını itirdi.

Lakin 1854-cü ildə əfsanəvi həkim Con Snou epidemiyanın mənbəyini Sohodakı Broad küçəsindəki, indiki Broadvisk küçəsindəki ictimai su nasosu kimi aşkar etdi.

Onun su ilə bağlı nəzəriyyəsi əvvəlcə rədd edildi, lakin 1866-cı ildə - Londonun Şərq tərəfində  daha 4000 ölüm hadisəsindən sonra -  ideya, özünü doğrultdu.

Snounun kəşfi London və digər şəhərlərin su və tullantı sistemlərində fundamental dəyişikliklərə səbəb oldu. Nəhayət, 1901-ci ildə İngiltərədən vəbanın  tamamilə  kökü kəsilir.

 Hazırda 80 yaşlı İngiltərə  vətəndaşının  125 ildən sonra  vəbadan ölməsi  nəinki tək Böyük Britaniyanı , bütün Avropanı təşvişə salıb. 

Həkim – Terapevt Lətifə Mikayılova  ilə mövzu ilə  bağlı Oxu24.com-a bildirib ki, epidemiyalar içərisində  ən ölümcül nəticələrlə yadda qalan  xəstəlik vəbadır. 

"Tarixdə heç bir infeksion xəstəlik vəba qədər   insan həyatını məhv etməyib.  Tibb elimində “Vibrio cholerae” adlandırılan  bakteriya var. Vəba həmin o bakteriyanın  səbəb olduğu nazik bağırsağın infeskion xəstəliyidir. Bu bağırsaq infeksiyası, sərt və şiddətli ishal ilə yanaşı həm də güclü zəhərlənmə, qusma,  orqanizmin kəskin susuzlaşması eyni zamanda  nazik bağırsağın zədələnməsi ilə müşahidə olunur.  Çirklənmiş suyun tükədilməsi və yaxud çirki suda ərzaqların yuyulmasıxəstəliyin yaradıcısı hesab edilir. Yayılması isə  ağzla təmasdan və birdə , xəstə insanın  nəcisi vastəsilə də yayılır. Milçəklər də xəstəliyin yayıcıları hesab edilir.  Müasir  dövrdə bu xəstəliyi aradan qaldıran pereaparatlar var, amma gərək xəstəlikdən vaxtında xəbərdar  olunsunki, sağalmaq risqi də  çox olsun”-deyə terapevt bildirib.

Əntiqə Rəşid