Kişilər üçün vacib MƏLUMAT

Cəmiyyətdə sağlam həyat tərzi ilə bağlı maarifləndirmə hər zaman aktualdır. Xüsusilə də gündəlik vərdişlərin – kondisionerdən istifadə, isti vanna və sauna kimi amillərin insan sağlamlığına təsiri bəzən ya düzgün anlaşılmır, ya da ümumiyyətlə nəzərə alınmır. Halbuki bu cür laqeyd yanaşma gələcəkdə ciddi və geri dönməz fəsadlara yol aça bilər.

Oxu24.com  bildirir ki, kondisionerin həddindən artıq istifadəsi, uzun müddət isti vanna və saunalarda qalmaq kişi reproduktiv sağlamlığı üçün təhlükə yarada bilər.

Məlumdur ki, xayaların normal fəaliyyəti üçün onların temperaturu bədən temperaturundan təxminən 2 dərəcə aşağı olmalıdır. Yəni spermatogenez – spermatozoidlərin formalaşması üçün optimal temperatur təxminən 30–35 dərəcə aralığı hesab olunur.

Tibbi izahata görə, uzun müddət isti mühitdə qalmaq xayaların həddindən artıq qızmasına səbəb olur. Bu isə spermanın keyfiyyətinə mənfi təsir göstərir, xaya toxumasını zədələyir və onun funksiyasını pozur. Digər tərəfdən, həddindən artıq soyuq şərait də təhlükəsiz deyil. Soyuq mühitdə orqanizmdə qan dövranı dəyişir, periferik – yəni səthi damarlar yığılır, qan əsasən daxili orqanlara yönəlir. Nəticədə xaricdə yerləşən orqanların, o cümlədən xayaların qidalanması və oksigenlə təminatı zəifləyir.

Həkimlərin sözlərinə görə, həm həddindən artıq isti, həm də həddindən artıq soyuq şərait xaya funksiyasının pozulmasına gətirib çıxarır və bu proseslər gələcəkdə geri dönməyən sağlamlıq problemləri yarada bilər. Bu baxımdan mütəxəssislər vətəndaşları öz sağlamlıqlarına daha məsuliyyətlə yanaşmağa çağırır, temperatur amillərində ifrata varmamağı tövsiyə edirlər.

Həmçinin oxuyun

9 mayda bizi nələr GÖZLƏYİR?   —  ULDUZ FALI

Prezident İMZALADI:Bu iş DTX-yə həvalə OLUNDU

ŞAD XƏBƏR: Qadınların pensiya yaşı aşağı salına bilər... 

DTX-nin ən ağır maddələrlə axtarışa verdiyi Camalovun kriminal DOSYESİ  

Bir sözlə, soyuq və istinin normadan artıq olması insan sağlamlığı üçün real təhlükə mənbəyidir. Sağlamlığını qorumaq istəyən hər kəs gündəlik həyatında bu məqamları nəzərə almalıdır.

Hazırladı: Turan