Ayaqda yaranan bu şişi GÖRMƏZDƏN GƏLMƏYİN – Ölümcül xəstəliklərin ilk əlaməti ola bilər…

news/2025_12_21/ayaq_sisler_1766339693.jpg

TİBB

114

21.12.2025, 21:51

Ayaqlarda yaranan şişlər müəyyən xəstəliklərin səbəbi ola bilər.

Mövzu ilə bağlı terapevt Günel Qasımova Oxu24.com-a açıqlamasında bildirib ki, ayaq şişlərinin bir neçə səbəbləri var.

“Həqiqətən də ürək qan-damar mənşəli ola bilər, böyrək mənşəli, qaraciyər çatışmazlığı zamanı, hamilələrdə, damar durğunluğu nəticəsində və limfa dövranının zəifliyi nəticəsində ola bilər.

Əgər şiş ürək ürək mənşəlidirsə, bu zaman ürəyin artıq yüklənməsi baş verir. Digər şikayətlər də yaranır və səhər yuxudan duranda fərqləndirici əlamət ondan ibarətdir ki, şişi yenə də olduğu kimi görürsünüz.

Böyrək şişləri zamanı gözün altında torbalanmalar olur və üz daha yumru olur, daha şişkin görünür. Və təbii ki, sidiyin ümumi analizində, böyrəklərin ultrasəsində müvafiq dəyişiklikləri görəcəksiniz.

Qaraciyər çatışmazlığı zamanı qaraciyərin funksional göstəriciləri kəskin şəkildə dəyişəcək. Bilirsiniz, gepatitlər, qaraciyər çatışmazlığı, sirroz, fibroz kimi ağır xəstəliklər var. Əlbəttə, paralel olaraq xəstənin qarnında da maye olacaq. Bu xəstənin də ayağında şişkinlik heç zaman keçməyəcək.

Həmçinin oxuyun

Polis Akademiyası: Harada, necə və kimlər qəbul olur?

Bakıda məşhur hospital yanır

Bakıda icra məmuru haqqında ŞOK İTTİHAMLAR: Borclunun həbs olunmaması üçün 65 yaşını gözləyib..

Şöhrət var idi, imkan yox: ƏMƏKDAR ARTİSTİN ACI SONU

Bilirik ki, şiş hamiləlik zamanı əlavə yüklə bağlıdır. Hamiləlik bitdikdən sonra şişkinlik keçir.

Və əsas məsələ damar durğunluğu və limfa səbəbindən yaranan ayaq şişləridir. Bu zaman səhər yuxudan duranda mənim pasiyentlərim ayaqlarında heç bir şiş görmür. “Doktor, bizdə səhərlər hər şey əla olur”,- deyirlər. Günorta xanımlar ev işlərini görəndə, kişilər işdə olanda ayaq axşama doğru daha şişkin olur. Ona görə də bu zaman biz kompression corabları çox məsləhət bilirik və çox faydasını görürük”,-deyə həkim bildirib.

Çimnaz Telmanqızı