Qaynar xətt:

(+99450) 247 90 86

Mammoloqdan qadınlara vacib xəbər: Bu halda yumurtalıq xərçəngi riski 70%-ə qədər yüksələ bilər

TİBB

519

11.05.2025, 10:34

Ailədə süd vəzi xərçəngi olan xanımlar üçün risk daha yüksəkdir.

Bu barədə  Oxu24.com saytına açıqlamasında  cərrah-mammoloq- onkoloq  Eslanda Səlimova bildirib.

"Əgər birinci dərəcəli qohumlarda – ana, bacı və s.  süd vəzi xərçəngi aşkarlanıbsa, bu xanımların xəstəliyə tutulma riski 2 dəfə artır. Əgər bir neçə yaxın qohumda bu diaqnoz olubsa, risk 5 dəfəyə qədər yüksəlir.

Bu cür hallarda BRCA1 və BRCA2 gen mutasiyalarına dair genetik testlər tövsiyə olunur. Çünki bu mutasiyalar mövcud olduqda süd vəzi və yumurtalıq xərçəngi riski 70%-ə qədər yüksələ bilər.

Süd vəzisində portağal qabığına bənzər dəri dəyişikliyi, gilənin içəriyə doğru çəkilməsi, qızartı və sərtlik xərçəngin ilkin əlamətləri ola bilər. Bu kimi hallarda dərhal həkimə müraciət olunmalıdır.",-deyə həkim bildirib.

Pərvin Şakirqızı