Ucarda işıq niyə yoxdur?

Son günlər sosial şəbəkələrdə elektrik enerjisinin verilişinin tez-tez kəsilməsi ilə bağlı şikayət xarakterli paylaşımlara rast gəlinir.Xüsusilə,isti yay günlərində elektrik enerjisinin kəsilməsi əhali arasında ciddi narazılığa səbəb olur.

Oxşar hadisə ilə bağlı  bir qrup  Ucar rayon sakini Oxu24.com saytına müraciət edib.

Sakinlərin bildirdiyinə görə,rayon ərazisində gün ərzində  azı 5-6 dəfə elektrik enerjisinin verilməsi dayandırılır.Bu, fasilə yarım saatdan,bir neçə saata qədər davam edir.Rayonun xüsusu ilə Qarabörk,Qazyan,Alpout,Şilyan,Müsüslü kəndlərində işığın tez-tez söndürülməsi ciddi narazılığa səbəb olub.

Kənd sakinlərinin saytımıza verdiyi məlumata görə,isti yay günlərində bu kimi halların yaşanması adi hal alıb.

Oxu24.com məsələ ilə bağlı  “Azərişıq” ASC-nin  Ucar Elektrik Şəbəkəsinin rəisi Səfa Şirinovla əlaqə saxlayıb.O,açıqlamasında belə bir problemin olduğunu təsdiqləyib.

"Havalar isti keçdiyi nüçün elektrik enerjisinə tələbat da artıb.Bu səbəbdən də xətlərdə yüklənmələr müşahidə olunur.Yaranmış problemin aradan qaldırılması üçün əməkdaşlarımız demək olar ki,gecə-gündüz işləyirlər.Yaranmış  vəziyyətlə bağlı "Azərenerji"ilə də danışıqlar aparırıq.Problem həllini tapacaq",-deyə Ucar Elektrik Şəbəkəsinin rəisi  bildirib.

Həmçinin oxuyun

Ədliyyə Nazirliyində mühüm vəzifələr  boş qalıb — Təyinatları gecikdirən SƏBƏBLƏR  NƏDİR?  

Azərbaycan-Ermənistan münasibətlərində YENİ MƏRHƏLƏ  - Politoloq gözləntiləri AÇIQLADI 

Qurban Qurbanovun toyunu görün hansı müğənni oxuyubmuş  - AÇIQLAMA 

Kamran Əsədovla bağlı daha bir ŞOK: İllər öncə də belə edibmiş  

Rayonun işıq problemi ilə bağlı qısa araşdırma apardıq.Məlum olur ki, xətlərin əksəriyyəti Sovet dönəmindən qaldığı üçün yüklənmələrə tab gətirə bilmir.Bundan əlavə ən böyük problemlərdən biri də xətlərin düzgün çəkilməməsi ilə bağlıdır. Bir neçə kəndin elektrik enerjisinin eyni mənbədən götürülməsi ciddi problemlərə səbəb olur. 

"Bizim kənd Qarabörkdür. Bizdən sonra Qazyan,Lək və başqa kəndlər gəlir. Onların da işıq xətləri bizim kəndin üzərindən keçir. Ləkdə,Qazyanda bir hadisə olanda bütün kəndlərin işığı sönür. Bu düzgün sistem deyil.Kiçik bir qəzaya görə,bütöv bir rayonun işığının dayandırılması hansı məntiqə sığır?",-deyə narazı kənd sakini bildirib.

Qeyd edək ki, Ucar Azərbaycanın Mərkəzi aran rayonudur. Ərazinin quraqlığını və havanın tempertaurunun digər ərazilərlə müqayisədə daha yüksək olmasını nəzərə alsaq,əhalinin isti havalarda işıqsız qalmasının nə demək olmasını anlamaq o qədər də çətin olmaz.

Məlumat üçün qeyd edək ki, Ucar Elektrik Şəbəkəsinin rəisi Səfa Şirinov  "Azərişıq" ASC Salyan filialının rəisi  vəzifəsindən azad edildikdən sonra  Ucar rayonuna göndərilib.Onun gəlişindən sonra problemlərin həll ediləcəyi gözlənilsə də,nəticə dəyişmədi.Rayon sakinləri  yayın istisində,qışın soyuğunda köhnə problemləri ilə üz-üzədirlər.

Məsələni diqqətdə saxlayacağıq.

Miri Məcidli