Qaynar xətt:

(+99450) 247 90 86

75 yaşlı qadını öldürən gəncə ağır cəza - Amansız qətlin təfərrüatları 

news/2026_02_01/grgee_1769939163.jpg

OXU24 TV

54

01.02.2026, 13:45

2025-ci il iyulun 1-də Bakının Sabunçu rayonunda qətl hadisəsi qeydə alınıb. Belə ki, 112 qaynar xəttinə daxil olan məlumatla əlaqədar FHN-in Xüsusi Riskli Xilasetmə Xidmətinin xilasediciləri çağırış üzrə Maştağa qəsəbəsi, Albalılıq yaşayış massivi, İlqar Zeynalov küçəsi, 68 ünvanına cəlb olunublar. Fərdi evin pəncərəsinin qəfəslik hissəsi aşağı tərəfdən kəsiləndən sonra əməkdaşlar içəri daxil olublar. 2 otağın qapısı bağlı vəziyyətdə olduğundan xilasedicilər şüşələri sındırıblar. İkinci otağın döşəməsində, arxası üstə uzanıqlı vəziyyətdə 1950-ci il təvəllüdlü Jalə Əsgərxanovanın meyiti aşkar edilib.

 

Meyitin başının yanında, xalça üzərində qeyri-müəyyən formalı qanabənzər ləkələr aşkar olunub.

 

Faktla bağlı Sabunçu Rayon Prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanılıb.

Məhkəmə-tibbi ekspertizasının rəyinə görə, Jalə Əsgərxanovanın bədən səthində 5 ədəd bıçaq yarası aşkar edilib.