Gündə 1 stəkan içənin ürəyi “saat kimi” işləyir 

Elm adamları bildirirlər ki, nar suyu həm qan dövranını yaxşılaşdırır, həm də damar tıxanmasının qarşısını almağa kömək edir. Ləzzətli dadı ilə yanaşı, güclü antioksidant tərkibi sayəsində nar suyu ürək və damar sağlamlığı üçün çox faydalıdır.

Araşdırmalara görə, nar suyu "pis" LDL xolesterinin oksidləşməsinin qarşısını alaraq damar daxilində yağ yığılmasını azalda bilir. Xolestrol damarların daralmasına və sərtləşməsinə səbəb olur ki, bu da infarkt və insult riskini artırır.

Nar suyu həmçinin:

Oksidləşmə stressini azaldır,

Qan damarlarının genişlənməsinə kömək edən azot oksidinin istehsalını artırır,

Damarların elastikliyini qoruyur.

İsrail Texnologiya İnstitutundan (Technion) Prof. Michael Aviramın araşdırmaları göstərib ki, nar, damar tıxanmasına səbəb olan oksidləşmiş xolesterolu təsirsizləşdirə bilir.

Bəzi elmi nəticələr:

Nar suyu içən insanlarda LDL xolesterin səviyyəsi azalıb.

Boyun damarlarında (karotis arter) qalınlıq %30 azalaraq, nəzarət qrupunda isə %9 artıb.

Sistolik qan təzyiqi (yuxarı təzyiq) %12 azalıb.

2017-ci ildə "Pharmacological Research" jurnalında yayımlanan araşdırma nar suyunun həm sistolik, həm də diastolik təzyiqi (aşağı təzyiq) azalda bildiyini təsdiqləyib.

Nar tərkibindəki taninlər, flavonoidlər və antosiyaninlər sayəsində güclü antioksidant təsir göstərir:

Həmçinin oxuyun

Bu ünvanlarda söküntü: Nə qədər kompensasiya verilir?

Bu hallarda ipoteka ilə alınan ev əldən çıxır - AÇIQLAMA

434 manat pensiya alanlara ARTIMLA BAĞLI ŞAD XƏBƏR

Niyaməddin Musayevin qızı FHN-də necə polkovnik OLUB? — Xalq artistindən ÖZƏL AÇIQLAMA  

Hüceyrələri zərərli maddələrdən qoruyur.

DNT zədələnməsinin qarşısını alaraq xərçəng riskini azalda bilər.

Qan təzyiqini aşağı salır, iltihabı azaldır.

İdman zamanı dözümlülüyü artırır, bərpanı sürətləndirir.

Sümüklərin zəifləməsinin qarşısını ala bilər.

Beyin funksiyalarını dəstəkləyə bilər.

Yüksək lif tərkibi sayəsində bağırsaq və həzm sisteminə müsbət təsir edir.

Narın faydaları çox olsa da, bəzi hallarda ehtiyatlı olmaq lazımdır:

Aşağı təzyiqi olanlar və ya təzyiq dərmanı istifadə edənlər ehtiyatlı içməlidir.

Xolesterin və ürək dərmanları (məsələn, statinlər, varfarin) ilə qarşılıqlı təsir göstərə bilər.

Nar suyunda təbii şəkər çoxdur - 1 stəkan 100% nar suyunda təxminən 31-33 qram şəkər var. Bu səbəbdən şəkərli diabet və böyrək xəstələri üçün ölçülü içmək vacibdir./milli.az