Bakıda oğul 67 yaşlı anasının BAŞINI KƏSİB 

67 yaşlı anasını yad kişilərlə yüngül həyat keçirməsini bəhanə edərək onu qətlə yetirən Emil Ağayevin cinayət işinin bəzi detalları məlum olub. 

Oxu24.com xəbər verir ki, "Unikal"ın əldə etdiyi məlumata görə, hadisə 2026-cı ilin yanvarın 24-də Sabunçu rayonunun Ramana qəsəbəsi "Gülçülük Sovxozu" ərazisində baş verib.

İttiham aktında göstərilib ki, Emil Ağayev heç bir əsaslı səbəb olmadan doğma anası Həyat Ağayevanın istifadəsində olmuş mobil telefonda kişi cinsli şəxslərlə telefon əlaqələrinin olmasını, yüngül həyat tərzi keçirməsini bəhanə gətirərək onu qəsdən öldürmək qərarına gəlib. 

O, 24 yanvar 2026-cı il tarixdə səhər saatlarında birgə yaşadıqları evdə heç kimin olmamasından istifadə edərək həmin vaxtı işdə olan Həyat Ağayevaya zəng edərək qayınatasının onların evinə qonaq gələcəyinə dair yalan məlumat verib. 

İstintaqla müəyyən edilib ki, Emil həmin gün anasını taksi ilə iş yerindən götürüb saat 10:00 radələrində yaşadıqları Sabunçu rayonu, Ramana qəsəbəsi, Gülçülük Sovxozu ərazisində yerləşən fərdi yaşayış evinə gətirib. Daha sonra qəsdən adam öldürməyə yönəlmiş niyyətini həyata keçirmək üçün evin qonaq otağında 67 yaşlı Həyat Ağayevanın qəflətən üzərinə hücum edib. 

O, anasına qəddarlıq və rəhmsizlik göstərərək, hər iki əli ilə onun boğaz nahiyəsindən sıxıb eyni zamanda sifətinə yumruq zərbələri vuraraq döşəmənin üzərinə yıxıb. Daha sonra niyyətini başa çatdırmaq üçün evin mətbəx otağından götürdüyü bıçaqla Həyat Ağayevaya arxadan yaxınlaşaraq onu nisbətən yuxarı istiqamətdə dikəldib onun boyun nahiyəsindən iki dəfə zərbə vuraraq kəsib. 

Bununla da Emil Ağayev anasını Həyat Ağayevanı xüsusi amansızlıqla öldürürərək həyatdan məhrum edib. 

Ona qarşı Cinayət Məcəlləsinin 120.2.2-ci (xuliqanlıq niyyəti ilə adam öldürmə),  120.2.4-cü (xüsusi amansızlıqla qəsdən adam öldürmə) və 120.2.9-cu (təqsirkar şəxs üçün aşkar surətdə köməksiz vəziyyətdə olan adamı öldürmə, habelə adam oğurluğu və ya girov götürülməsi ilə bağlı adam öldürmə) maddələri ilə ittiham irəli sürülüb.

Qeyd edək ki, cinayət işinin məhkəmə istintaqı hakim Namiq Kərimovun sədrliyi ilə araşdırılır.

Həmçinin oxuyun

Oğlanlarla tutulan qızın şok əməli üzə çıxdı  —  GÖRÜNTÜLƏR

TƏCİLİ! Məktəblərlə bağlı yeni qərar: Şagird və müəllimləri nələr gözləyir?  

13 mayda bizi nələr gözləyir? — ULDUZ FALI

Bu təqaüdlər artırılır?   — Ekspert AÇIQLADI