Azərbaycanlı avtoritetlərin lideri ilə bağlı YENİ QƏRAR

news/2026_02_01/697db68614712697db686147131769846406697db68614710697db68614711_1769925847.webp

KRİMİNAL

01.02.2026, 10:03

Rusiyanın Orenburq vilayətinin Lenin rayon məhkəməsi 39 yaşlı “qanuni oğru” Zaur Şipilov barəsində seçilmiş həbs-qətimkan tədbirinin uzadılması məsələsinə baxıb.

Lent.az xəbər verir ki, kriminal aləmdə “Zaur Naxçıvanski” ləqəbi ilə tanınan Şipilovun barəsində məhkəmənin 29 yanvar tarixli qərarı ilə həbs müddəti 15 mart 2026-cı ilədək uzadılıb.

Orenburq şəhərindən olan Zaur Şipilov tanınmış azərbaycanlı kriminal avtoritet Bayram Talıbovun oğludur. O, 2025-ci ilin iyul ayında saxlanılıb. Şipilova Rusiya Federasiyası Cinayət Məcəlləsinin cinayət iyerarxiyasında ali mövqe tutmaqla bağlı maddəsi üzrə ittiham irəli sürülüb. Onun kriminal aləmdəki yolu xeyli əvvəl başlayıb: 27 yaşında Türkiyədə “taclandırıldıqdan” sonra Rusiya DİN-in aktiv “qanuni oğrular” siyahısına daxil edilib.

Şipilovun bioqrafiyası səs-küylü hadisələrlə sıx bağlıdır. Atası 2006-cı ildə Moskvada “qanuni oğru” Hikmət Muxtarova qarşı sui-qəsd zamanı öldürülüb. Zaur Şipilov özü isə əvvəllər Minussinsk həbsxanasında narkotik maddələrin saxlanmasına görə cəza çəkib və 2018-ci ildə azadlığa buraxılıb.

Həmçinin oxuyun

Azərbaycan idmançılarının reytinqi AÇIQLANDI: Birinci yerdə odur

İlham Əliyev Pezeşkiana niyə zəng etdi? - Səbəbi

Ağır qəza: Yaralılar var

İrana növbəti ZƏRBƏ

Xarici kriminal dairələrlə sıx əlaqələrinə baxmayaraq, Şipilov Rusiya vətəndaşıdır və bu da onun ekstradisiyasını mümkünsüz edir. “Polojenets” (nəzarətçi) statusu ilə bağlı məhkəmə prosesini gözlədiyi müddətdə o, istintaq təcridxanasında saxlanılmağa davam edəcək. Həbs müddətinin uzadılması barədə qərar hələ qanuni qüvvəyə minməyib.

Qeyd edək ki, Zaur Naxçıvanski Şakro Molodoyun istəyi ilə Rusiyadakı azərbaycanlı kriminal dairələrin başçısı seçilib.