Dostunu arvadına görə öldürən şəxsin cinayət işində şok detallar üzə çıxdı – VİDEO

news/2025_09_30/hakim_foto_1759217225.jpg

KRİMİNAL

1058

30.09.2025, 11:22

“Xaçmaz rayonunda məhkəmə hakimi işləyən dövrlərdə qətl hadisəsi baş vermişdi. Hadisə belə idi – təqsirləndirilən şəxs öz yaxın dostunu öldürmüşdü”.

Oxu24.com xəbər verir ki,Bunu "Kazusmedia" "Youtube" kanalına müsahibəsində Ali Məhkəmənin tanınmış sabiq hakimi Əsəd Mirzəliyev deyib.

O bildirib ki, qətl törədən şəxs hadisədən bir müddət əvvəl evlənibmiş: “Onun qulağına çatır ki, evləndiyi qızla dostu arasında əvvəllər sevgi münasibəti olub. Həmin şəxs də qısqanclıq zəminində öz dostunu meşəyə apararaq öldürüb. Hadisə də qətlə yetirilən şəxsin anasının anım günü zamanı qeydə alınıb. O, əvvəlcədən atası ilə tüfəng göndəribmiş. Dostunu öldürdükdən sonra basdırıb. Bir müddət keçəndən sonra onun nəşi tapılıb”.

Hadim qeyd edib ki, hadisədən bir müddət sonra həmin şəxs saxlanılıb, cinayəti etiraf edib:

“Cinayət işinin ibtidai istintaqı yekunlaşıb məhkəməyə göndəriləndən sonra o, hadisəni törətmədiyini dedi”.

Əsəd Mirzəliyev müsahibəsinin davamında söyləyib ki, məhkəmə istintaqı dövründə şahid ifadələri əsasında həmin şəxsin cinayət törətdiyi sübuta yetirilib.

Həmçinin oxuyun

Pensiya ilə bağlı VACİB XƏBƏR

Toyuq ətinin rəngi nəyi göstərir? - VACİB MƏLUMAT

Vəkil Esmira Rzayeva: Penitensiar Xidmət müstəqil status ala bilər

Prezidentdən deputatın oğlu ilə bağlı SƏRƏNCAM

Qeyd edək ki, 1954-cü il təvəllüdlü Əsəd Mirzəliyev 1979-cu ildə Azərbaycan Dövlət Universitetinin Hüquq fakültəsi bitib. O, 1978-1982-cü illərdə Ağdam rayonu Dövlət Notariat Kontorunda Baş dövlət notariusu vəzifəsində çalışıb. Sonra Əsəd Mirzəliyev Xaçmaz Rayon Məhkəməsinin hakimi (1982-1985), Ağsu Rayon Məhkəməsinin hakimi (1985-1987), Salyan Rayon Məhkəməsinin sədri (1987-2000) və Ali Məhkəmənin hakimi (2000-2020) olub. 2023-cü ildən isə Ali Məhkəmə yanında Elmi-məsləhət şurasının üzvüdür.

Ətraflı videoda: