Psixiatriya Xəstəxanasında palata yoldaşını boğaraq öldürən şəxsə hökm oxunub
20 Noyabr 2026, 11:03
Qaynar xətt:
(+99450) 247 90 86
KRİMİNAL
976
28.01.2025, 09:10
Bakıda anasını xüsusi amansızlıqla qətlə yetirməkdə təqsirləndirilən Kamran Şükürzadənin cinayət işində zərərçəkmişlər dindirilib.
OXU24.COM xəbər verir ki, Bakı Ağır Cinayətlər Məhkəməsinin hakimi Anar Sadıqovun sədrliyi ilə keçirilən prosesdə zərərçəkmiş şəxs qismində təqsirləndirilənin atası Etibar Şükürzadə ifadə verib:
"Səhər saatlarında durub işə getdim. Mənə qonşular zəng edib hadisə barədə məlumat verdilər. Hadisənin baş verməsi məni şoka saldı. Çünki hər şey qaydasında idi. Yeməyi, içməyi vaxtı-vaxtında idi. Düzü, oğlum yoldaşı ilə boşanmışdı. Bu amil də təbii ki, onun səhhətinə və psixologiyasına mənfi təsir göstərdi. Onun yoldaşı qardaşının əsgərlikdən gəldiyini bəhanə edərək rayona getdi və qayıtmadı. Bu cinayətə əl atmasına səbəb öz boşanma məsələsində anasını günahkar bilməsidir. Oğlumda epilepsiyanın bir növü var idi".
Daha sonra təqsirləndirilən şəxsin bacısı Nigar Şükürzadə zərərçəkmiş qismində dindirilib. O, qısa ifadə verərək, qardaşından heç bir şikayət və tələbinin olmadığını bildirib.
Məhkəmənin növbəti iclası fevralın 12-nə təyin edilib.
Qeyd edək ki, istintaqla müəyyən edilib ki, Kamran Şükürzadə ötən ilin iyulunda paytaxtın Qaradağ rayonu, Ümid qəsəbəsində birlikdə yaşadığı anası Aybəniz Şükürova ilə ailədaxili münaqişə yaşayıb. Anası oğluna təhqir dolu, onun tüfeyli həyat tərzi yaşamasına dair irad bildirib. Kamran Şükürzadə bu münaqişədən hiddətlənərək anasını xüsusi amansızlıqla öldürmək qərarına gəlib.
Belə ki, o, evin həyətində təmizlik işləri görən anasına yaxınlaşıb ümumilikdə 25 bıçaq zərbəsi vuraraq, onu xüsusi amansızlıqla qətlə yetirib.
Daha sonra Kamran Şükürzadə könüllü şəkildə polisə təslim olub və o, şübhəli şəxs qismində saxlanılıb.
Ona qarşı Cinayət Məcəlləsinin 120.2.4-cü (xüsusi amansızlıqla və ya ümumi təhlükəli üsulla qəsdən adam öldürmə) maddəsi ilə ittiham irəli sürülüb.
11:03 / 20 Noyabr 2026
1
11:01 / 20 Noyabr 2026
15
10:49 / 20 Noyabr 2026
46
10:40 / 20 Noyabr 2026
50
10:20 / 20 Noyabr 2026
68
10:20 / 20 Noyabr 2026
59
10:16 / 20 Noyabr 2026
76
10:10 / 20 Noyabr 2026
104
10:10 / 20 Noyabr 2026
69
10:03 / 20 Noyabr 2026
256
10:00 / 20 Noyabr 2026
126
10:00 / 20 Noyabr 2026
99
09:51 / 20 Noyabr 2026
79
09:46 / 20 Noyabr 2026
83
09:41 / 20 Noyabr 2026
85
09:34 / 20 Noyabr 2026
106
09:31 / 20 Noyabr 2026
685
09:26 / 20 Noyabr 2026
84
09:14 / 20 Noyabr 2026
94
09:01 / 20 Noyabr 2026
72
08:37 / 20 Noyabr 2026
70
23:55 / 19 Noyabr 2026
190
23:26 / 19 Noyabr 2026
227
© 2026 Oxu24.com Müəllif hüquqları qorunur.