Azərbaycanda minimum maaş artır? – Mühüm açıqlama

İQTİSADİYYAT

10859

08.02.2026, 00:38

Son dövrlər ərzaq və qeyri-ərzaq məhsullarının qiymətləri sürətlə artır. Buna baxmayaraq, ölkədə minimum əməkhaqqı hələ də çox aşağı səviyyədə qalır. Bu vəziyyət gündəlik həyat xərclərinin qarşılanmasını çətinləşdirir və vətəndaşların normal yaşayış tələblərini yerinə yetirməsini əngəlləyir.

Azərbaycanda normal həyat səviyyəsini təmin etmək üçün minimum əməkhaqqı nə qədər olmalıdır?

Oxu24.com bildirir ki, globalinfo.az-a danışan iqtisadçı Günay Hüseynova deyib ki, minimum əməkhaqqı təyin edilərkən vətəndaş da müstəqil şəxs kimi dəvət olunmalıdır:

“Türkiyədəki kimi aylıq xərclər hesablanarkən hər hansı fabrikdən bir fəhlə də nümayəndə olaraq qatılmalı və təklif irəli sürməlidir. Ən azı ədalətli qərar naminə bu, yaxşı olardı. Yaşamaq üçün minimum maaşa qaldıqda, əsas faktor əməkhaqqı deyil, alım gücüdür. Yəni bu gün minimum əməkhaqqı 400 manatdır, ətin kilosu 20-25 manat arası, yağın kilosu 20 manat, kartof ən ucuz 1-1.5 manat, mənzil bazarında da qiymətlər 1 otaqlı şəhərdən kənar ən ucuz 85 min manatdır. Minimum əməkhaqqı ilə işləyən şəxs neçə il ac-susuz qalmalıdır ki, normal yaşam standartlarına uyğunlaşa bilsin?”.

Həmçinin oxuyun

Ölənlər və yaralılar bunlardır: SİYAHI +FOTOLAR

Kərtənkələ ilanı görün nə hala saldı — Heyvanların döyüş VİDEOSU

FHN əhaliyə xəbərdarlıq etdi:Leysan,qar olacaq

Azərbaycanda pensiya yaşını keçən icra başçıları - SİYAHI

İqtisadçı bildirib ki, əməkhaqqı 5 faiz artsa belə, ilin yarısında ərzaq və qeyri-ərzaq məhsulları ən azı 30 faiz bahalaşacaq:

“Ona görə də ilk növbədə istehsalatı qurmaq, sənayeni inkişaf etdirmək lazımdır. Yeni istehsalat qurulsa, vətəndaş 400 manat minimum əməkhaqqına çalışar, yoxsulluq səviyyəsi enər, qiymət tənzimlənər. İqtisadçı kimi təklif etsək ki, əməkhaqqı minimum 1200-1500 manat olsun, bu, mümkün deyil. Ümumiyyətlə, hər kəsin yaşam standartı müxtəlifdir. Kimisi qənaət edir, kimisi də gələcəyini düşünmədən bu gün üçün yaşayır. Çünki xərclər müxtəlifdir. Lakin ümumi dəyərləndirsək, sıfırdan başlayan, mal-mülkü, mirası olmayan bir ailə üçün minimum 2 min manat lazımdır”