Ertəm Şənərdən “Qarabağ”a təklif: 2 milyonluq transfer, 35 milyonluq satış

İDMAN

867

02.02.2026, 17:33

Türkiyəli idman şərhçisi Ertəm Şənər “Qarabağ” FK ilə bağlı maraqlı fikir səsləndirib. O bildirib ki, əgər Ağdam təmsilçisi Adama Traoreni cəmi 2 milyon avro qarşılığında heyətinə qata bilsəydi, komandanın qarşısını almaq rəqibləri üçün çox çətin olardı.

Şənərin fikrincə, Traore baş məşqçi Qurban Qurbanovun rəhbərliyi altında sürətlə inkişaf edər, çempionlar liqasında parlaq çıxışları ilə diqqət çəkərdi. Nəticədə “Qarabağ” bu futbolçunu bir ildən sonra 30–35 milyon avroya sata bilərdi.

Şənər vurğulayıb ki, bu transfer reallaşsaydı, klub üçün həm idman baxımından böyük üstünlük, həm də maliyyə cəhətdən tarixi uğur ola bilərdi.

Şənər qeyd edib ki, Qurban Qurbanova hündür boylu, iri cüssəli, əzələli, sürətli, yüksək fiziki gücə malik, rəqiblərə psixoloji təzyiq göstərən, döyüşkən və atletik bədən quruluşu olan futbolçular verilsə, “Qarabağ”ın UEFA Çempionlar Liqasında təkcə uğurlu çıxış etməsi yox, hətta finala yüksəlməsi və turniri qazanması belə real görünər.

Onun fikrincə, Qurban Qurbanovun oyun fəlsəfəsinə Adama Traore, Romelu Lukaku, Didier Drogba, Kalidu Kulibali, Antonio Rüdiger, Viktor Osimhen, Zinəddin Zidan, Hacı (Hagi), Vircil van Deyk və Nemanya Matiç tipli – həm texniki, həm də fiziki baxımdan güclü futbolçular daha uyğundur.

Həmçinin oxuyun