Mənzillərin sahəsi çöldən yox, içəridən hesablanmalıdır – Vəkildən AÇIQLAMA  

Son illərdə ölkədə tikinti sektorunun sürətli inkişafı, yeni yaşayış binalarının inşası özü ilə bərabər bəzi hüquqi problemləri də gündəmə gətirir. Vətəndaşların ən çox qarşılaşdığı və aldadıldığı məqamlardan biri də MTK-lar tərəfindən satılan mənzillərin sahəsinin düzgün hesablanmamasıdır.

Məsələ ilə bağlı Oxu24.com-a açıqlama verən vəkil Natiq Əliyev tikinti obyektlərinin sahəsi və həcminin hansı qaydada hesablanmalı olduğunu qanunvericiliyin tələbləri ilə izah edib.

Qanun nə deyir?

Vəkil bildirib ki, bu məsələ birbaşa olaraq qanunla tənzimlənir:

“Şəhərsalma və Tikinti Məcəlləsinin 59.1-ci maddəsinə əsasən, tikinti obyektinin sahəsinin və həcminin hesablanması qaydaları bu maddənin tələbləri nəzərə alınmaqla müvafiq icra hakimiyyəti orqanı tərəfindən müəyyən edilir”.

Sahəyə nələr daxildir və necə hesablanır?

N.Əliyev qeyd edib ki, yaşayış binalarında mənzillərin ümumi sahəsi hesablanarkən bura otaqların, yerləşgələrin, habelə eyvanların və terrasların sahəsi də daxil edilməlidir. Lakin burada ən kritik məqam divarların sahəsidir:

“Yaşayış binalarında mənzillərin ümumi sahəsi xarici (bayır) və ara divarların yerləşdiyi sahələr nəzərə alınmadan hesablanır. Bu o deməkdir ki, mənzillərin sahəsi çöldən deyil, məhz içəridən hesablanmalıdır”.

MTK-lar qanunu necə pozur?

Təcrübədə bir sıra hallarda MTK-lar tərəfindən mənzillər satılarkən qanunvericiliyin bu tələbləri kobud şəkildə pozulur. Şirkətlər mənzilin sahəsini içəridən deyil, xarici divarları da daxil etməklə çöldən hesablayırlar. Nəticədə vətəndaşa kağız üzərində daha böyük sahə təqdim olunur və ondan faktiki olaraq mövcud olmayan kvadratmetrlər üçün artıq pul alınır.

Vəkil vətəndaşlara çağırış edərək bu cür hallarla qarşılaşdıqda öz hüquqlarını müdafiə etməyə səsləyib:

“Əgər siz də bu halla qarşılaşmısınızsa, artıq ödədiyiniz sahənin pulunu MTK-dan məhkəmə qaydasında geri ala bilərsiniz”.

Jalə

Həmçinin oxuyun

Güclü külək olacaq -XƏBƏRDARLIQ

Üzücü xəbər:Xalq şairi  süni tənəffüs aparatına qoşulub

Dənizdə batan şəxs görün kim İMİŞ -FOTO

İlham Əliyev təbrik məktubu göndərdi