Bank borcu və maaşın 50 faizi: bu qanunidirmi?  

Son illər bank kreditləri ilə bağlı məhkəmə və icra məsələləri vətəndaşları ən çox narahat edən hüquqi mövzulardan biridir. Xüsusilə də maaşın yarısının tutulması ilə bağlı suallar tez-tez səsləndirilir: “Doğrudanmı bank maaşımın 50 faizini tuta bilər?”

Oxu24.com xəbər verir  ki,əgər bank borcu ilə bağlı məhkəmə qərarı çıxarılıb və iş icra mərhələsinə yönləndirilibsə, icra məmuru həmin qətnamənin icrası üçün qanunla nəzərdə tutulmuş tədbirləri görür. Bu tədbirlərə əmlakın və gəlirlərin müəyyən edilməsi daxildir. Şəxsin rəsmi əmək haqqısı və ya pensiyası varsa, icra məmuru qanunvericiliyə əsasən həmin gəlirin maksimum 50 faizinə qədər tutulma tətbiq edə bilər.

Burada vacib məqam budur: 50 faiz maksimum həddir, yəni hər halda məhz 50 faiz tutulmalıdır demək deyil.

Əgər borclunun əlavə kredit öhdəlikləri, aliment ödənişləri və ya digər mühüm xərcləri varsa və bu hallar sənədlərlə təsdiqlənərsə, icra məmuru daha aşağı faiz tətbiq edə bilər. Bunun üçün vətəndaşın rəsmi müraciəti vacibdir.

Digər mühüm məsələ isə maaş kartının borclu olduğunuz banka aid olmasıdır.

Bəzi hallarda bank kredit müqaviləsinə əsaslanaraq kartı bloklayır və karta daxil olan bütün vəsaiti borca yönəldir. Lakin nəzərə almaq lazımdır ki, borcun məcburi tutulması üçün əsas hüquqi sənəd məhkəmə qətnaməsidir. Qətnamə olmadan bütün vəsaitin tutulması qanunauyğun hesab edilmir.

Həmçinin oxuyun

SON DƏQİQƏ! ABŞ İranı "ürəyindən" vurdu

Azərbaycanda bu şəxslərə ayda 120 manat VERİLİR — ŞƏRTLƏR  

Yüksək vəzifəyə təyinat OLDU

Azərbaycan Liderinin Gürcüstan səfərinin əhəmiyyəti nədir?     —   ŞƏRH

Bəli, bəzi kredit müqavilələrində banka geniş səlahiyyətlər verən şərtlər nəzərdə tutulur. Məhz buna görə də kredit müqaviləsini imzalayarkən bütün maddələrlə diqqətlə tanış olmaq son dərəcə vacibdir. Əks halda, sonradan ciddi maliyyə və hüquqi problemlər yarana bilər.

Unutmayın: hüquqlarınızı bilmək və vaxtında müraciət etmək sizi daha ağır nəticələrdən qoruya bilər.

Hazırladı: Şahbaz