Şaqqalara ayrılan jurnalistin cəsədi haradadır? - SENSASİON AÇIQLAMA

Türkiyədə konsulluğun binasında öldürülən Səudiyyəli jurnalist Camal Qaşıqçının meyitinin harada olması dünya mediasını düşündürən əsas suallardandır. Oxu24.com xəbər verir ki,bununla bağlı sosial şəbəkələrdə  ingilis dilində #WhereIsTheBody (Camal Qaşıqçının cəsədi haradadır?) haştaqı yaradılıb. Minlərlə insanın paylaşım edildiyi  bu haştaqda maraqlı iddialar öz əksini tapıb. Reuters agentliyinin  yaydığı  məlumata  görə, Kral ailəsinə yaxın mənbənin  verdiyi açıqlamada meyitin harada  olması barədə məlumatlarının olmadığı qeyd  olunub. Reutersin iddiasına görə, Camal Qaşıqçının  meyiti  yerli  şəxslərdən birinə təhvil verilib. Agentliyin bu iddiası hələlik rəsmi şəkildə təsdiqini tapmayıb. Mətbuat isə jurnalistin cəsədinin parçalara ayrılaraq meşələrə atıldığını yazır.Bu xəbərdən sonra Türkiyə polisi   İstanbulun  Belqrad  meşəliyində səudiyyə ərəbistanılı müxalif jurnalist, “Vaşinqton post” qəzetinin itkin düşən əməkdaşı Camal Qaşıqçının meyitinin axtarışlarını həyata keçiriblər. Təhlükəsizlik kameraları jurnalistin Səudiyyə Ərəbistanının İstanbuldakı Baş Konsulluğuna getdiyi və orada itkin düşdüyü gün konsulluqdan çıxan avtomobillərin həmin istiqamətdə hərəkət etdiklərini qeydə alıb. Meşəyə gələn kriminalistlər bütün kamera qeydlərini toplayaraq, axtarış aparıb. Bu qeydlər tam araşdırıldıqdan sonra polisin müəyyən bir ehtimal üzərində dayanacağı gözlənilir.