Azərbaycanlılar xaricə səfərləri niyə azaldıb? - EKSPERT DANIŞIR

news/2025_06_24/56a4b210e4_teyyare_1750721783.webp

CƏMİYYƏT

21.12.2025, 15:05

Azərbaycandan xaricə turist axını azalıb.

Bu ilin yanvar-noyabr aylarında xarici ölkələrə gedən Azərbaycan vətəndaşlarının ümumi sayı 1,9 milyon nəfər olub.

Məsələ ilə bağlı turizm üzrə ekspert Rəhman Quliyev Oxu24.com-a bildirib ki, burada əsas amil marağın azalması deyil, daha çox iqtisadi və qiymət faktorlarıdır:

“Son bir ildə aviabiletlərin bahalaşması, xarici ölkələrdə otel və xidmət qiymətlərinin artması, viza, sığorta və əlavə xərclər xaricə səyahəti bir çox ailə üçün daha baha edib. Eyni zamanda daxildə alternativlərin artması da təsir göstərir. Turistlər görür ki, ölkə daxilində daha münasib qiymətə keyfiyyətli istirahət mümkündür.

Əslində bazar tam daralmır, transformasiya olunur. Turizm şirkətləri bahalı Avropa istiqamətlərindən daha əlçatan regionlara yönəlir, qısa müddətli, yaxın ölkə turlarını artırır, daxili turizm paketlərini portfelə daxil edir, fərdi və ailəvi səyahətlərə fokuslanır.

Yəni klassik kütləvi xaric turları azalır, amma daha çevik və hədəfli məhsullar yaranır. Bu, bazarın zəifləməsi yox, yeni reallığa uyğunlaşmasıdır.

Həmçinin oxuyun

Azərbaycanlılar xaricə səfərləri niyə azaldıb? - EKSPERT DANIŞIR

Bu yollara çıxmayın! Açıq "lyuk"lar sürücüləri ölümə aparır…

Coşqun Rəhimova ağır itki

Doğum gününü qeyd edən Murad Dadaşov kimdir? - KVN-dən Xalq artistinə qədər gələn ömür yolu

Mənim fikrimcə, kəskin artım gözlənilmir, amma stabilləşmə mümkündür.

Aviabiletlərdə müəyyən yumşalma olsa,regional istiqamətlərə maraq artsa,mövsümi kampaniyalar düzgün qurulsa,o zaman xaricə səfərlərin sayı yenidən tədricən arta bilər. Lakin bu artım əvvəlki illərdəki kimi kütləvi yox, seçici və məqsədli olacaq.

Eyni zamanda daxili turizmin güclənməsi xaricə axının əvvəlki səviyyəyə tam qayıtmasını bir qədər ləngidə bilər. Bu da ümumilikdə ölkə iqtisadiyyatı üçün mənfi deyil”,-deyə ekspert bildirib.

Çimnaz Telmanqızı