"Qış müharibəsinin" iştirakçısı olan azərbaycanlı döyüşçü kim olub? - FAKTLAR

2024/12/09/1733739255_1733736714.azerbaycan_bayragi_044-1.jpg

CƏMİYYƏT

544

21.12.2025, 14:30

Oxu24.com tarixi şəxslər haqqında araşdırma yazıları təqdim etməkdə davam edir.

Hacıbaba Məmməd oğlu Zeynalov 1906-cı ildə Gəncədə doğulub.

O,hərbçi olmaq arzusu ilə 1923-cü ildə Bakıya gələrək gənc komandirlər məktəbinə qəbul olunur.

Üç illik təhsilini müvəffəqiyyətlə başa vuran Hacıbaba Zeynalov 77-ci Azərbaycan atıcı diviziyasının ikinci dağ nişançı alayına bölük komandiri təyin edilir. Az sonra alayın rabitə rəisi vəzifəsinə təyin edilir.

1937-ci ildə mayor rütbəsi alır. 1939-cu ildə M.Frunze adına Hərbi Akademiyanı bitirir və elə həmin il "Qış müharibəsi"ndə iştirak edir. Müharibədə göstərdiyi şücaətə görə "Qırmızı Ulduz" ordeni ilə təltif edilir.

Həmçinin oxuyun

Mahmud Abbasın 21 illik liderliyi: Erməniləri qardaş,bizi düşmən gözündə gördülər...

İlham Əliyev onu vəzifəsindən azad etdi - FOTO

Elçin Alıoğlu: “Şirqulaminin “hədəsi” ABŞ-ın hərbi baza qurmaq ehtimalından deyil, daha dərin səbəblər var”

Bakıda binada yanğın başlayıb

22 iyun 1941-ci ildə Böyük Vətən müharibəsinin başladığı vaxt podpolkovnik Hacıbaba Zeynalov Pribaltika Hərbi Dairəsində atıcı diviziyanın şöbə rəisi vəzifəsində çalışırdı.

Qərbi Dvina ətrafındakı döyüşlərdə böyük igidlik göstərən Zeynalov döyüş zamanı yaralanır, lakin müharibənin sonunadək müxtəlif qərargah vəzifələrində, o cümlədən, Zaqafqaziya cəbhəsində 47-ci ordunun qərargahında əməliyyat şöbəsinin rəisi, 396-cı atıcı diviziyanın qərargah rəisi, 402-ci atıcı diviziyanın komandiri vəzifəsində çalışır. Mozdok və İşşersk kəndi uğrundakı döyüşlərdə göstərdiyi qəhrəmanlıq və hərbi bacarığına görə polkovnik Hacıbaba Zeynalov "Qırmızı Bayraq" ordeni ilə təltif olunmuşdur.

Hacıbaba Zeynalov 1948-ci ildə K.Voroşilov adına Ali Hərbi Akademiyanı əla qiymətlərlə bitirir, 1956-cı ildə general-mayor rütbəsinə yüksəlir. 1957-ci ildə o, Bakı Ali ümumqoşun komandanlıq məktəbinin rəisi vəzifəsinə təyin edilir və 1960-cı ilədək burada çalışır. Məktəbin o vaxtadək olan 20 illik tarixində Hacıbaba Zeynalov ilk azərbaycanlı rəis idi.

Hacıbaba Zeynalov 1969-cu ildə Bakıda vəfat edib və Fəxri Xiyabanda dəfn olunub...

ALLAH RƏHMƏT ELƏSİN!