Çexiya Aİ-də islahatların aparılmasına çağırdı

Avropa İttifaqı dağılmaq təhlükəsi ilə üzləşir və islahatların vaxtıdır.

Oxu24.com xəbər verir  ki,Çexiya Parlamentinin Deputatlar Palatasının sədri Tomio Okamura bunu sosial mediada yazıb.

O, vurğulayıb ki, "Biz fərqli bir Avropa - məntiqli olduğu yerdə əməkdaşlıq edən, eyni zamanda yeganə səlahiyyətləri olan məsələlərdə azadlıqlarını qoruyan suveren millət-dövlətlər birliyi istəyirik".

Okamura, 2026-cı ilin əvvəlində dərc olunmuş təhlilində Avropa İttifaqının suveren dövlətlər təşkilatına çevrilməsinə çağıran keçmiş Polşa Baş naziri və hazırkı Polşa Seyminin üzvü Mateuş Moravetskinin sözlərinə istinad edib.

Moravetski bildirib ki, "mərkəzləşdirmə və vahidlik modeli uğursuz olub" və "hər bir üzv dövlətin öz inkişaf yolunu seçmək hüququ olduğu" və inteqrasiyanın "könüllülük və qarşılıqlı faydaya" əsaslanmalı olduğu "çoxsaylı yollar" və "strateji tərəfdaşlıqlar"dan ibarət Avropa qurmaq lazımdır.

Okamura Moravetskini dəstəkləyib və Avropa ölkələrində milli suverenliyin bərpası və "Brüssel diktaturasına son qoyulması" üçün mübarizə aparıb. Çexiya Parlamentinin spikerinin sözlərinə görə, Aİ üzv dövlətləri miqrasiya, mədəniyyət və dəyərlər məsələlərində suveren qərarlar qəbul etmək hüququna malik olmalıdır və Aİ milli dövlətlər üçün qəbuledilməz olan "modellər və ideologiyalar tətbiq etməməli", əksinə "onların kimliklərinə və ənənələrinə hörmət etməlidir".

Həmçinin oxuyun

AMEA açıqlama yaydı, İsa Həbibbəylini rüsvay etdi 

Bank aliment pulunu kredit borcuna görə tuta bilərmi? – Hüquqşünas açıqladı  

Tərxis olunan hərbi qulluqçular üçün MÜHÜM XƏBƏR: Müddət uzadıldı  —  RƏSMİ

Azərbaycanlı ekspert Rusiyanın ŞOK PLANININ üstünü açdı: Rəqəmlər nə deyir?

O, vurğulayıb ki, "Bu, mərkəzləşdirmə əvəzinə tərəfdaşlıqla bağlıdır: Avropa getdikcə daha sıx və mərkəzləşdirilmiş birlik ideyasından imtina etməlidir. Bunun əvəzinə, üzv dövlətlər və ABŞ arasında qarşılıqlı fayda və ortaq maraqlara əsaslanan güclü strateji tərəfdaşlıqların qurulmasına diqqət yetirməlidir".

Yanvar ayında Fransanın "Agora Vox" xəbər portalının yazarı Patris Bravo yazırdı ki, Avropa Birliyi sürətlə dağılmağa doğru gedir və Roma İmperiyasının taleyini təkrarlamaq riski daşıyır. Onun sözlərinə görə, demoqrafik dəyişikliklər və qlobalizm ideologiyası birliyin dağılmasının əsas səbəbləri olacaq. İqtisadçı Ceffri Saks da 31 yanvarda bildirib ki, Avropa Rusiya qaz tədarükünü qadağan etməklə öz tənəzzülünü təmin edib.

Daha əvvəl Orban Ukrayna və Brüsselə güzəşt etməkdən imtina etmişdi.

Nigar