Aİ PKK-nı terrorçu kimi tanıdı nə etdi ki, SEPAH-ada nəsə edə?

Avropa İttifaqı (Aİ) İran İslam İnqilabı Keşikçilər Korpusunu (SEPAH) terror təşkilatlarının siyahısına daxil etməsi dünya gündəmində geniş müzakirələrə səbəb olub. Səbəb kimi də hüquq-mühafizə orqanları və etirazçılar arasındakı toqquşmalar zamanı 3 117 nəfər həlak olmasının məsuliyyətinin  İran İslam Respublikasının silahlı qüvvələrinin ən böyük qoşunu olan SEPAH- ın  əməli kimi dəyərləndirib.

 Təbii ki, İran İslam Respublikasının rəsmiləri bu qərara bərk əsəbləşiblər. 

 Amma  Tarixə baxsaq Aİ -ın “terror” elan etdiyi bir çox təşkilatlar var ki, hələ indiyə qədər onların zərərsizləşdirilməsi ilə bağlı hər hansı bir tədbirlər planı  hazırlayıb həyata keçirməyib. 

 Məsələn,    PKK 27 noyabr 1978-ci ildə Abdullah Öcalan tərəfindən Türkiyənin Diyarbakır vilayətinin Lice rayonunun Fis kəndində yaradıldığı gündən 50 minə yaxın insanın ölümünə səbəb olan dünyada ən qanlı təşkilatlardan biri kimi tanınır. Uzun illərdir   Aİ  PKK -nı terror təşkilatı kimi tanıyıb. Səhv etmirəmsə 2000-ci illərin əvvəlindən.

 2019-cu ildə ABŞ Müdafiə Nazirliyi (Pentaqon) SDG adı ilə fəaliyyət göstərən YPG/PKK terror təşkilatına adəti üzrə 300 milyon dollar yardım etdi.Bu mbləğ əvvəlki illərdən  dəfələrlə çox idi. 

2022-ci ildə isə ABŞ PKK/YPG terror təşkilatına 177 milyon dollarlıq yardım göndərdi.

 Nəhayət Türk Silahlı Qüvvələrinin yürütdüyü qərarlı əməliyyatlardan sonra  artıq PKK çökdürüldü. Bundan sonra ABŞ -da yardım etməyi kəsdi. 

 Fikrimizi nəyə gətiririk: Aİ  böyük bir alyans olaraq bu illər ərzində ABŞ- a etiraz etmədi,  onların  terror təşkilatı kimi tanıdıqları PKK -ya  yardım etməməsi ilə bağlı   sərt xəbərdarlıq etməyə cürəti çatmadı.

 Təsəvvür edin: Aİ 30 il Azərbaycan torpaqlarını işğalda saxlayan Ermənistana bir dəfə  “gözün üstə qaşın var” deməyib.

Ümumiyyətlə Aİ indiyənə qədər hansı terror təşkilatının sökdürülməsini gündəmə gətirib?

 Düşünürük ki, Aİ  SEPAH-ı  terror təşkilatı kimi tanıması nə İranın, nə də SEPAH-ın fəaliyyətinə zərrə qədər kölgə sala biləcək. Çünki ortada PKK təcrübəsi var.

 Xatırladaq ki, Avropa İttifaqı Şurası İranın daxili işlər naziri Eskəndər Momeni, Baş prokuror Mohəmməd Movəhhedi Azad və SEPAH-ın bölgələr üzrə komandirlərinə sanksiya tətbiq edib.

 Əntiqə Rəşid

Həmçinin oxuyun

Nazirdən Azərbaycanda maaş artımı ilə bağlı AÇIQLAMA

Metroda faciə:Ölən var

Pensiyalarla bağlı RƏSMİ AÇIQLAMA 

İlham Əliyev fərman imzaladı : Onlar da güzəştli siyahıya salındı