Qaynar xətt:

(+99450) 247 90 86

Latviya Belarusla sərhədi tamamilə bağlamağa hazırlaşır

news/2025_09_12/latvis_1757669705.webp

DÜNYA

448

12.09.2025, 13:31

Baltikyanı ölkənin daxili işlər naziri Rihards Kozlovskis Latviya Belarusla sərhədini tamamilə bağlaya bilər.

Oxu24.com  xəbər  verir   ki,  bu  barədə   Baltnews agentliyi məlumat yayıb.

Onun sözlərinə görə, ölkə hakimiyyəti Latviya-Belarus sərhədində fəaliyyət göstərən sonuncu keçid məntəqəsini bağlamağa hazırdır.

Latviya Daxili İşlər Nazirliyinin rəhbərinin dediyi kimi, bu qərar “hər üç Baltikyanı ölkənin vahid və əlaqələndirilmiş fəaliyyəti” olmalıdır.

Bir gün əvvəl Latviya Seymi (parlamenti) Milli Təhlükəsizlik Komissiyasına Rusiya və Belarusla sərhədlərin "Qərb" hərbi təlimləri müddətinə tam bağlanması haqqında qərar layihəsini baxılmaq üçün təqdim edib.

Bir gün əvvəl Polşa Belarusla sərhəddəki bütün sərhəd keçidlərini və hava məkanını qeyri-məhdud müddətə bağladı.

Daha sonra Litva Müdafiə Nazirliyi hava məkanının bağlandığını elan edib. Rusiya Xarici İşlər Nazirliyi Polşadan "nəticələr barədə düşünməyi və qərara yenidən baxmağı" tələb edib.

Rusiya Xarici İşlər Nazirliyinin sözçüsü Mariya Zaxarova bildirib ki, bu məhdudiyyətlər “Polşanın beynəlxalq tərəfdaşlarına zərər verəcək” və “respublikanın özünün biznesinə zərbə vuracaq”.

Onun sözlərinə görə, Varşava Moskva və Minskin “xoşməramlı jestinə məhəl qoymayıb” və bu, bəzi manevrləri sərhəddən uzaqlaşdırıb, qoşun və texnikanın sayını azaldıb.

Nigar