Kreml Zelenskiyə cavab verib

Rusiya prezidentinin mətbuat katibi Dmitri Peskov Ukrayna prezidenti Vladimir Zelenskinin Moskva və Kiyev arasında danışıqlar prosesinin intensivləşdirilməsinin zəruriliyi ilə bağlı bəyanatını şərh edib.

Oxu24.com   xəbər  verir    ki, Kreml sözçüsünə görə, bu yanaşmanı müsbət qiymətləndirmək olar.

"Bu, müsbət siqnaldır. Biz tamamilə razıyıq. Doğrudan da, biz həm də danışıqlar prosesinə dinamikanın əlavə edilməsinin tərəfdarıyıq", - Peskov brifinqdə deyib.

O, həmçinin vurğulayıb ki, “Rusiya Ukrayna ərazisində istənilən hərbi obyektləri, o cümlədən Qərb ölkələri tərəfindən yaradılan obyektləri qanuni hədəf hesab edir”.

Rusiya prezidentinin mətbuat katibi ABŞ-la münasibətlər mövzusuna da toxunub. Onun sözlərinə görə, ABŞ prezidenti Donald Trampın Rusiya və Ukrayna arasında danışıqlar prosesindən məyus olması ilə bağlı son açıqlamaları Moskva və Vaşinqton arasında ikitərəfli dialoqa ciddi təsir göstərmir.

"Bunlar fərqlidir: bir mövzu danışıqlar mövzusudur, digəri isə ikitərəfli münasibətlərimizdir", - Peskov qeyd edib.

Həmçinin oxuyun

Tramp: Putinə Ukrayna ilə razılaşmaq üçün 10 gün vaxt veririk

Şəxsiyyət vəsiqəsinin fotosunu “WhatsApp”la göndərənlərə XƏBƏRDARLIQ 

FHN açıqlama yaydı: Ölən və yaralılar var 

SON DƏQİQƏ! Rusiya miqrantlarla bağlı elə qərar qəbul etdi ki...- Bu şəxslər işsiz qalacaq 

O, həmçinin bildirib ki, hazırda Rusiya-Amerika münasibətlərini böhrandan çıxarmaq üçün “çətin proses” davam edir.

"Dialoq dialoqdur, hazırda münasibətlərimizi kifayət qədər acınacaqlı vəziyyətdən çıxarmaq üçün çətin proses gedir", - Kreml nümayəndəsi ABŞ ordusunun Avropa və Afrikadakı komandanı, general Kristofer Donahunun Kalininqradın mümkün ələ keçirilməsi ilə bağlı sözlərini şərh edərkən vurğulayıb.

Peskov Avropa İttifaqının yeni sanksiyalar paketini də şərh edib. Onun sözlərinə görə, Rusiya artıq məhdudiyyətlər altında həyata uyğunlaşıb və Qərbin təzyiqlərinə qarşı “immunitet” əldə edib. “Biz sanksiyalardan müəyyən immunitet qazandıq, sanksiyalar altında həyata uyğunlaşdıq.

Eyni zamanda Kreml nümayəndəsi vurğulayıb ki, Rusiya Aİ-nin birtərəfli sanksiyalarını qanunsuz hesab edir. "Hələlik biz Avropadan kifayət qədər ardıcıl anti-Rusiya xətti görürük. Biz dəfələrlə demişik ki, bu cür birtərəfli məhdudiyyətləri qanunsuz hesab edirik və onlara qarşıyıq", - Peskov yekunlaşdırıb.

Nigar