"O qız ermənidir, onu öyrədən..." - Rəşid Mahmudov Mübariz İbrahimovu təhqir edən psixoloqa

2018-12/1545047458_1545046182_1545045117rdfrfrfur-1.jpg

CƏMİYYƏT

982

17.12.2018, 15:51

Xəbər verdiyimiz kimi, psixoloq Nərmin Şahmarzadə Azərbaycanın Milli Qəhrəmanı Mübariz İbrahimovu təhqir edib. O, sosial şəbəkədəki statusunda Mübariz İbrahimovu "cinayətkar və qatil" adlandırıb: "Azərbaycan kişisi deyəndə nümunə kimi Mübariz İbrahimovu çəkdi bir dostum, amma mən belə hesab etmirəm. Döyüş zamanı olsa, özünü və vətəni müdafiə deyərək insanı öldürməyə hardasa qəhrəmanlıq demək olar. Çünki dəyər hesab etdiyin insanlıq, mərhəmət hissini digər dəyər hesab etdiyin şeyə qurban verirsən, o öldürdüyün adama düşmən desən də, vicdanın sızlayar yəqin ki, buna görə dəyər hesab etdiyin şeyi qorumaq üçün digər dəyərindən imtina etməyinə bəlkə də qəhrəmanlıq demək olar. Amma döyüş olmadan, vətəni, yaxınlarını, öz canını itirmək təhlükəsi olmadan birini öldürürsənsə, bu, qəddarlıqdır, mənə görə. Bəlkə də öldürdüyü erməni əsgəri bütün prosseslərdən sonra doğulmuş, zərrə günahı olmayan, sərhəddə qalarkən qorxu keçirən, evə qayıtmaq üçün gün sayan biri idi.

Bəlkə də yatarkən ailəsinə qovuşması üçün bir günün daha bitdiyini təsəvvür eləmişdi. Amma kimsə onu etmədiyi bir şeyə görə günahlandırıb öldürür. Həmçinin Mübariz sağ qalıb geri qayıtsaydı, hərbi cinayət işi açılacaqdı çox güman. Çünki əmr almadan sərhədi keçmişdi. Əslində, qəhrəman dediyimiz şəxs dövlətə siyasi olaraq təhlükə yaratmışdı. Bu yazı kimisə təhqir və ya gözdən salmaq məqsədilə yazılmayıb, sadəcə hər şeyi kor-koranə qəbul etmək asana qaçmaqdır".

Həmçinin oxuyun

Polis Akademiyası: Harada, necə və kimlər qəbul olur?

Bakıda məşhur hospital yanır

Bakıda icra məmuru haqqında ŞOK İTTİHAMLAR: Borclunun həbs olunmaması üçün 65 yaşını gözləyib..

Şöhrət var idi, imkan yox: ƏMƏKDAR ARTİSTİN ACI SONU

Psixoloqun bu fikri sosial şəbəkələrdə ciddi müzakirə yaradıb. Sosial şəbəkə istifadəçiləri arasında Mili Qəhrəman barəsində bu cür fikirlər səsləndirən şəxsin cəzalandırılmasını tələb edənlər də az deyil. Bununla bağlı Big.az-a açıqlama verən Azərbaycan Tibb Universitetinin (ATU) dosenti, tanınmış alim Rəşid Mahmudov bildirib ki, Azərbaycanda elə bir insan olmaz ki, Mübariz İbrahimovu sevməsin: "O, Azərbaycanın qəhrəmanıdır. Sizdən xahiş edirəm ki, o qız kimdirsə onun millətini axtarıb tapın. Ən əsası isə onu öyrədəni ortaya çıxarın. Mübariz İbrahimov Azərbaycan xalqının qəhrəmanıdır. Kimin nə həddinə ki, onun haqqında bu cür ifadələr işlətsin. Bəlkə də o qızın milləti ermənidir. Bunu da ortaya çıxartmaq siz jurnalistlərin borcudur".