İqtisad Universitetindən təcili qərar: İmtahanlar yenidən keçiriləcək

Azərbaycan Dövlət İqtisad Universitetində tələbələrin  etiraz etməsi barədə  məlumat  vermişdik.

Universitetin  1-ci kurs magistr tələbələrinin  bir hissəsi- təxminən 10 qrup imtahan zalını tərk edib.

Səbəb isə imtahana düşən sualların tələbələrə verilən mövzularla əlaqəli olmamasıdır.

Məsələ ilə  bağlı  Azərbaycan  Dövlət  İqtisad Universiteti  rəsmi  açıqlama  verib.Universitetin Marketinq və kommunikasiya departamentinin rəhbəri  Xaliq  Əliyev  Oxu24.com  saytına  açıqlamasında  bildirib  ki, narazılıq  tələbələrin  xeyrinə  həll olunub.

"Məsələ  ilə  bağlı  dərhal Universitet rəhbərliyi  səviyyəsində  iclas keçirildi. Problem  tələbələrin  xeyrinə  həll olundu. Fənni  tədris  edən müəllimlərin  hazırladıqları   suallar əsasında   yenidən  imtahan  keçiriləcək. Sualların  tələbələrə  əvvəlcədən  verilməsi  tələbinə  gəldikdə  isə  belə  bir  qayda  yoxdur.", deyə  departament  rəhbəri  bildirib.

 

Xaliq  Əliyev  həmçinin  bildirib  ki, imtahan  ayın  sonunda keçiriləcək. Bu isə  tələbələrin  rahat  hazırlaşmasına  şərait yaradacaq.