Şəhərlərdə səs-küy KABUSU: Avtomobillər sakinlərin rahatlığını necə pozur?  

Paytaxt sakinləri gecə saatlarında yollarda azalan avtomobil sıxlığı fonunda yeni bir problemlə üzləşirlər. Yaşayış məntəqələrinə yaxın ərazilərdə, xüsusilə Nərimanov rayonu istiqamətində tikintilərdən gələn səslər və ağır tonnajlı maşınların hərəkəti insanları narahat edir. Gecədən səhərə qədər davam edən bu proses sakinlərin normal istirahət etməsinə ciddi maneə törədir. Bütün günahları yalnız avtomobillərin üzərinə atmaq düzgün olmasa da, nəqliyyat vasitələrinin yaratdığı səs-küy də şəhər mühitində mühüm fəsadlar törədir. 

Mövzu ilə əlaqədar olaraq nəqliyyat eksperti Eldəniz Cəfərov Oxu24.com-a açıqlamasında bildirib ki, avtomobildən çıxan səslə bağlı qanunvericilikdə, o cümlədən Yol Hərəkəti Haqqında Qanunda və İnzibati Xətalar Məcəlləsində müddəalar mövcuddur:

"Zərurət yaranmadan lüzumsuz siqnal verməyə görə, mühərrik həcminin yüksək olduğuna görə nəqliyyat vasitələrinə bununla bağlı cərimə tətbiq olunur. Bu sistem Azərbaycanda çoxdan var. Yəni Yol Hərəkəti Haqqında Qanun Azərbaycanda qəbul olunandan bu, Azərbaycanda var. Yəni bu, yenilik deyil. Biz yenidən xüsusi bir qanun, qayda yaratmağımıza ehtiyac yoxdur, çünki bu qanun artıq mövcuddur”.

Ekspert qeyd edib ki, paytaxtın yaşayış məntəqələrinə bitişik ərazilərində, xüsusilə gecə saatlarında ağır tonnajlı maşınların və tikinti sahələrinin yaratdığı səslər sakinlərin rahatlığını pozur.

Eldəniz Cəfərov vurğulayıb ki, avtomobillərin səsləri və lüzumsuz siqnallarla bağlı məsuliyyətverici normativ sənədlər və cərimə mexanizmləri onsuz da qanunvericilikdə mövcuddur:

“Şəhər mühitində səs-küyün azaldılması üçün həm nəqliyyat vasitələrinin səsdən qoruyucu sistemlərinə nəzarət gücləndirilməli, həm də gecə saatlarında tikinti zonasında axının tənzimlənməsi vacibdir”.

Çimnaz Telmanqızı

Həmçinin oxuyun

 Elm və Təhsil Nazirliyi yeni təyinatla bağlı MƏLUMAT YAYDI

Eyyubovun rəis olduğu qurumda əməliyyat: Vəzifəli şəxs TUTULDU

Noyabrda pensiya gözləyənlərə ŞAD XƏBƏR

Bu kənddə 3 gündür İŞIQ YOXDUR